“Ливерпуль” ёзги трансфер ойнасида ҳужум чизиғини кучайтириш мақсадида икки ҳужумчи — “Ньюкасл” форварди Александер Исак ҳамда “Айнтрахт” футболчиси Уго Экитике трансферини амалга ошириш учун ҳаракат бошлади. Бу ҳақда Испаниянинг Marca нашри хабар берди.
Манбага кўра, ушбу футболчилардан бири “Энфилд”га йўл олиши мерсисайдликларнинг колумбиялик ҳужумчиси Луис Диаснинг “Барселона”га ўтиш эҳтимолини оширади. Сабаби, ҳам Исак, ҳам Экитике колумбиялик футболчининг позициясида — чап қанот ҳужумчиси сифатида ўйнай олади.
Хабарда айтилишича, “Барселона” президенти Жоан Лапорта ва спорт директори Деку “Ливерпуль”даги вазиятни диққат билан кузатиб бормоқда. Трансфер эҳтимолини кучайтираётган омиллардан бири — Луис Диаснинг “Ливерпуль” таклиф қилган шартномани рад қилгани, чунки у таклиф қилинган маошни кам деб ҳисоблаган.
Олдинроқ хабар қилинганидек, “Ливерпуль” “Ньюкасл” билан Александер Исак трансфери бўйича дастлабки музокараларни бошлаган, шунингдек, “Айнтрахт”га Уго Экитике учун 81,2 миллион евро таклиф қилгани айтилмоқда.
Изоҳ (0)