Туркиянинг Истанбул шаҳрида ўзбекистонлик аёл истиқомат қилиб келган уйда газ портлади. Бу ҳақда Ўзбекистоннинг Истанбул шаҳридаги Бош консулхонаси хабар берди.
Маълум қилинишича, 4 июль куни Истанбул шаҳри Чекмекой тумани “Чамлик” маҳалласида 4 қаватли бинонинг 1-қаватида истиқомат қилган уйда табиий газ портлаши натижасида танасининг маълум қисми куйиши оқибатида Ўзбекистон фуқароси М.Гуломова Истанбул шаҳар шифохонасига олиб борилган.
Бош консулхона томонидан Чекмекой ҳуқуқни муҳофаза қилувчи органлар ва шифохона ходимлари билан алоқа ўрнатилган. Ўзбекистон фуқароси ҳозирги вақтда жонлантириш бўлимида экани айтилмоқда.
Хориждаги ўзбекистонликлар ўлими
Май бошларида Қозоғистоннинг Қизилўрда шаҳридаги қурилишда ўзбекистонлик эркак ҳалок бўлганди. Шунингдек, Россия қамоқхонасидан Украинадаги урушга “сафарбар қилинган” 23 ёшли ўзбекистонлик ҳалок бўлгани, Туркияда ўзбекистонлик фуқаро парда тикадиган машина орасида қисилиб қолиши оқибатида вафот этгани, Россиядаги уйда юз берган ёнғинда 3 нафар ўзбекистонлик ҳалок бўлгани тўғрисида хабар берилганди.
Изоҳ (0)