Сирдарё вилоятининг Ховос туманидаги икки қаватли уйда газ портлаши оқибатида икки киши вафот этди, яна бир фуқаро тан жароҳати олди.
Вилоят ҳокимлиги томонидан эълон қилинган хабарга кўра, 15 январь куни соат 14:50 да Ховос тумани «Қаҳрамон» МФЙда жойлашган икки қаватли бинонинг биринчи қаватида содир бўлган газ-ҳаво аралашмасининг чақнаши оқибатида иккита хонадоннинг қурилиш конструкцияларига шикаст етган.
Воқеа жойига вилоят Фавқулодда вазиятлар бошқармасининг ёнғин-қутқарув отряди зудлик билан етиб бориб, қидирув-қутқарув ишларини олиб борган.
Ҳодиса оқибатида икки нафар фуқаро вафот этган, бир нафар фуқаро тан жароҳати олиб, шифохонага жойлаштирилган.
Айни пайтда ҳолат юзасидан терговга қадар суриштирув ишлари олиб борилмоқда.
Мавзуга доир: Намангандаги хонадонда газ портлади: она ва бола куйиш тан жароҳати олди
Изоҳ (0)