Наманган вилоятининг Наманган туманидаги хонадонда газ портлади. Бу ҳақда вилоят ФВБ матбуот хизмати хабар берди.
13 январь куни соат 02:30 ларда Республика шошилинч тез ёрдам илмий марказидан олинган маълумотга кўра, Наманган тумани «Наврўз» маҳалла фуқаролар йиғини ҳудудидаги хонадонларнинг бирида газ портлаши содир бўлган.
Бунинг оқибатида хонадон эгасининг 1992 йилда туғилган қизи 70 фоиз ҳамда у билан бирга яшовчи фарзанди — 2014 йилда туғилган ўғли 8 фоиз куйиш тан жароҳати олган.
Ҳодиса сабаби ўрганилганда, хонадонга ўрнатилган ўтин ва табиий газга мослаштирилган туника иситиш печига табиий газдан фойдаланиши ва газ жўмраги очиқ қолгани аниқланган. Уйда электр чироғи ёқилганда газ ва ҳаво аралашмаси чақнаши содир бўлган.
Портлаш натижасида ёнғин содир бўлмаган, уйнинг деразаси жойидан кўчган. Воқеа жойига ёнғин ўчириш экипажлари жалб этилмаган.
Изоҳ (0)