Тошкент вилоятида ўтказилган рейдлар вақтида қонунбузилиш ҳолатлари фош этилди, деб хабар берди “Ҳудудгазтаъминот” АЖ матбуот хизмати.
Маълум қилинишича, Оҳангарон тумани “Алишер” МФЙда жойлашган “А.И.Б.” фермер хўжалигига қарашли иссиқхона хатловдан ўтказилди. Унда истеъмолчи бир марталик тамға ўрнатилган зулфин ва электрон газ ҳисоблаш ускунасини олиб ташлаб табиий газдан ноқонуний фойдаланиб келаётгани аниқланди.
Ҳолат юзасидан далолатнома тузилиб, газ сарфи қайта ҳисоб-китоб қилинди ва 2 млрд 955 млн сўмлик зарар аниқланди.
Қибрай туманининг “Гулистон” МФЙда жойлашган хонадонда яшовчи фуқаро Н.Д. иссиқхона ташкил қилиб, табиий газ тармоғига ҳисоблагичдан олдин тўғридан-тўғри уланган.
Ноқонуний ҳолат бўйича 49 млн 673 минг сўмлик табиий газ ҳажми қайта ҳисоб-китоб қилинди.
Ҳолатлар бўйича барча ҳужжатлар ҳуқуқни муҳофаза қилувчи органларга топширилди.
Газ ўғирлаётган иссиқхоналар
Тошкент вилоятида 618,4 миллион сўмлик табиий газдан ноқонуний фойдаланган иссиқхона аниқланганди.
Шунингдек, Самарқандда 1 миллиард сўмлик табиий газдан ноқонуний фойдаланган иккита иссиқхона фош бўлгани тўғрисида хабар берилганди.
Изоҳ (0)