Украинанинг Миллий хавфсизлик ва мудофаа кенгаши собиқ президент ва Олий Рада депутати Пётр Порошенкога қарши санкциялар киритди. Бу ҳақда мабаларга таяниб, Forbes Ukraine хабар берди.
Манбалардан бирига кўра, Порошенко давлатга хиёнатда айбланган бўлиши мумкин. Украина президенти Владимир Зеленский санкциялар тўғрисидаги қарор 13 февраль куни эълон қилинишини айтди.
Украина миллий хавфсизлигига путур етказган ва Россияга кўмаклашган ҳар бир киши жавобгарликка тортилиши шарт. Аслида Украинани, унинг манфаатларини ва хавфсизлигини сотиш орқали топилган миллиардлар музлатилиши ҳамда Украина ва хақни ҳимоя қилиш учун хизмат қилиши лозим, деган у.
Порошенко муносабати
Украина собиқ президенти унга қарши санкциялар киритилишини “конституцияга зид, сиёсий асосланган қарор” деб атади. У бундай қарорнинг эҳтимолий салбий оқибатлари учун Зеленский жавобгар бўлишини айтди.
Куни кеча хорижга хизмат сафаридан қайтиб келдим, гарчи ҳамма мени ҳокимият “ақлдан озгани”, санкциялар ва янги шубҳалар ҳақида огоҳлантиргани, чет элда қолганим маъқуллиги тўғрисида айтган бўлса-да. Бу жуда ёмон дежавю: катта босқиндан бир неча ҳафта олдин ҳокимият Порошенко қўлида эди. Катта урушнинг уч йилидан сўнг, ақллироқ бўлишлари керак бўлганда ҳам ўша аҳвол, деб ёзди у.
2023 йил декабрь ойида Пётр Порошенко уни чет элга хизмат сафарига чиқармаганликларини айтганди. Украина Хавфсизлик хизмати Порошенко Венгрия бош вазири Виктор Орбан билан учрашишни режалаштиргани, Россия эса бу учрашувдан Украинага қарши фойдаланмоқчи бўлганини билдирганди.
Изоҳ (0)