“Ўзбекнефтгаз” акциядорлик жамиятига қарашли UNG Petro ёнилғи қуйиш шохобчаларида 20 октябрдан Аи-100 бензини сотуви бошланди. Бу ҳақда АЁҚШ тармоғи матбуот хизмати хабар берди.
“Ўзбекнефтгаз” матбуот хизматига кўра, ушбу бензин импорт қилинади. Бир литрининг нархи — 15 800 сўм. Таққослаш учун, Аи-92 нархи 10 200 сўм бўлса, Аи-80 нархи — 6050 сўм.
Аи-100 ҳозирча фақат пойтахтдаги саккизта ёнилғи қуйиш шохобчасида сотилмоқда: Паркент бозори, Алоқа, Чинобод, Генерал Узоқов, Бодомзор, Қорасув, Аҳмад Дониш, Чўпон-ота.
Аввалроқ “Ўзбекнефтгаз” матбуот котиби 1 ноябрдан Аи-80 бензини нархи ошиши ҳақида тарқалган хабарлар асоссиз эканини жамиятга тегишли АЁҚШ ларда нархлар эски белгиланган тартибда амалга оширилишини маълум қилганди. Куни кеча эса Ўзбекистон бензин бозорида танқислик ва ажиотажни олдини олиш бўйича тезкор зарур чоралар кўрилиши айтилган эди.
Изоҳ (0)