Тошкентдаги UzbekNeftGaz (UNG, собиқ UzGazOil) автомобилларга ёнилғи қуйиш шохобча (АЁҚШ)лари газ баллонли автомобилларга 5 литрдан ортиқ бензин сотмаяпти.
Бу ҳақдаги эълонлар АЁҚШ тармоғининг филиалларида пайдо бўлган. Эълонда, шунингдек, ностандарт бакли автомобилларга бензин умуман сотилмаслиги ҳам алоҳида таъкидлаб ўтилган.
Бундай чекловлар нима сабабдан ўрнатилгани ҳозирча номаълум. Фойдаланувчилар бу ҳолатни ноқонуний бензин савдоси билан шуғулланувчи чайқовчиларга қарши курашнинг бир кўриниши сифатида баҳоламоқда.
Изоҳ (0)