АҚШ президенти Дональд Трампнинг матбуот котиби Каролин Ливитт Оқ уйда ўтказилган матбуот анжуманида нима сабабдан мамлакатда тухум нархи кескин ошиб кетганига изоҳ берди.
Журналистнинг бу борадаги саволига жавоб берар экан, Ливитт асосий айб аввалги президент Жо Байден маъмурияти зиммасида эканини айтиб ўтди.
“Ҳозир сиз президент имзолаган инфляция бўйича фармон ҳақида айтиб ўтдингиз. Трамп президентликка келганидан бери тухум нархи кескин ошди. Хўш, президент тухум нархини пасайтириш учун нималар қилмоқда?”, деб савол берди журналист.
“Бу масалани кўтарганингиздан жуда хурсандман. Чунки тухум нархининг ошишида асосий айбни Оқ уйга юклаётган кўплаб хабарларга дуч келмоқдаман.
Шуни таъкидлашни истардимки, 2024 йилда Жо Байден Овал офисда ўтирганида ёки унинг юқори қаватида ухлаб ётганида, очиғи аниғини билмайман, тухум нархи 65 фоизга ошган. Охирги маъмуриятнинг инфляцион сиёсати туфайли нафақат тухум, балки бошқа озиқ-овқатлар, шунингдек, бензин нархи ошганини кўрдик.
Тухум тақчиллигига келсак, Байден маъмурияти ва Қишлоқ хўжалиги департаменти 100 миллиондан ортиқ товуқни оммавий ўлдиришга йўл қўйган. Бу эса бу мамлакатда таъминот етишмаслигига олиб келди
Шунинг учун тухум танқислиги юзага келиб, нархлар ошиб кетди”, деди Каролин Ливитт.
Изоҳ (0)