Вақт ҳеч кимни аямайди, дейишади, лекин Голливуднинг баъзи юлдузларини томоша қилиб, бунга ишониш қийин. Йиллар ўца-да, айрим актёр ва хонандалар ҳали ҳам ўн йил аввалгидек ёш ва чиройли кўринади. Бунинг сири ажойиб генетика, малакали мутахассислар томонидан олиб бориладиган парвариш ва гўзаллик процедураларида бўлса керак.
Жаред Лето
Юлдузли рўйхатдаги “энг қаримайдиган” машҳурлардан бири бу мусиқачи ва актёр Жаред Летодир. Мухлислар ҳатто уни вампир тишлаб олгани ва энди у абадий ёш бўлиб қолгани ҳақида ҳазиллашади. Летонинг ўзи, вегетарианизм ва спорт яхши ҳолатда бўлишига ёрдам беришини айтади. Масалан, 53 ёшида мусиқачи тоққа чиқишда фаол иштирок этади. Шу билан бирга, ажинларнинг йўқлиги, масалан, пешона соҳасида, ботокс инексиясининг натижаси эканлигини ва терининг умумий ранги плазмолифтинг ва биоревитализация каби процедуралар ёрдами биланлигини истисно қилмайди.
Томас Сенгстер
Бу актёр 20 йил ўтиб ҳам ўсмир йигит ролини ўйнай олади. Томас Сенгстер рафиқаси Талула Райли билан турмуш қурганида, кўпчилик уларнинг ёшини суриштира бошлади. Аслида актриса эридан тўрт ярим ёш катта. Аммо Томас унга қараганда чиройли ва ёш кўринади. Уни кўпинча “абадий ёш” ёки “ўсмир юзли одам” деб аташади. Биринчисини илтифот деб ҳисоблаш мумкин, аммо иккинчиси актёрни хафа қилади. Интервьюларининг бирида Томас баъзида ташқи кўриниши ўзига ҳам ёқмаслигини тан олди. Бир марта уни дўкон сотувчиси вояга етмаган деб, спиртли ичимлик сотмаган.
Эндрю Гарфилд
Актёрнинг кўплаб роллари бор: у бизнесмен, шифокор ва ҳатто суперқаҳрамон образларини гавдалантиришга муваффақ бўлди. Ушбу ролларни ўйнаш учун актёр камида 20 йил меҳнат қилган. Ҳа, бунга ишониш қийин, аммо юқоридаги суратлар орасида ҳам 16 йил фарқ бор.
Рианна
Йиллар давомида ушбу хонанданинг фақатгина соч турмаклари ва кийиниш образлари кескин ўзгаради, аммо ёш чеҳраси 10 йил аввалгидек гўзал кўринишда сақланиб қолган. Нафақат мусиқада, балки мода ва гўзаллик индустриясида ҳам катта муваффақиятга эришган Рианна инсонпарварлик ишлари билан ҳам фаол шуғулланади. У таълим ва соғлиқни сақлаш соҳасида турли хайрия лойиҳаларига ҳисса қўшади. Хайр-саҳоват инсонни янада гўзал кўрсатиши балки ростдир?
Ҳью Жекман
30 йил ўтгандан кейин аввалги ролига қайтганда ҳам ташқи кўриниши худди шундай сақланиб қолган камёб актёрлардан. Ҳью Жекман ўзининг бундай садоқати учун ҳатто Гиннеснинг рекордлар китобидан ўрин олди. Унинг Росомаха образи бутун дунё томонидан эътироф этилган ва актёр суперқаҳрамон жанрида энг узоқ вақт давомида битта персонажни ўйнаган актёр сифатида тарихга кирган.
Pink
“Фаол турмуш тарзини олиб боринг, фолловерларингизга доим табассум қилинг, шунда сиз доимо ёш бўлиб қоласиз” деган қоида билан яшайдиган хонанда Pink, ҳақиқатан, энергияга тўла аёлдир. Pink спорт билан ҳам фаол шуғулланади. У мустақил ва ўзига ишонган шахс сифатида танилган бўлиб, қўшиқларида кўпинча эркинлик, ўзини севиш ва жамият меъёрларига қарши чиқиш мавзуларини кўтаради.
Женнифер Лопес
Хонанда ва актриса Женнифер Лопес 55 ёшда ҳам мафтункор кўриниши билан доимо мухлисларни лол қолдириб келган. Гарчи бу кўриниш генетика ёки пластик жарроҳлик натижаси бўлиб туюлиши мумкин бўлса-да, аслида, Лопес қатъий парҳез, интенсив машғулотлар ва тартибли уйқу жадвалини гўзаллик сирлари деб атайди.
Қатъий тартиб-интизом ва ўз-ўзини назорат қилиш Жей Ло амал қиладиган асосий тамойиллардир. У анчадан бери қаҳвани рационидан чиқариб ташлаган, спиртли ичимлик ичмайди ва соғлом овқатланишга риоя қилади. Шунингдек, Лопес вегетарианликни фаол қўллаб-қувватлаб, гўштдан воз кечган.
Изоҳ (0)