Вашингтонда Sikorsky Ҳ-60 (Black Hawk) ҳарбий вертолёти ва йўловчи самолёти тўқнашди. Бу ҳақда АҚШ Фуқаро авиацияси федерал бошқармаси (FAA) хабар берди.
Самолёт American Airlines авиакомпаниясининг 5342-рейсини Канзас штатининг Уичита шаҳридан Вашингтонга амалга оширган. У Bombardier CРJ700 реактив самолёти ҳисобланади. Бортда 60 нафар йўловчи, 4 нафар экипаж аъзоси бўлгани айтилмоқда. Транспортда хавфсизлик бўйича миллий кенгаш FAA билан ҳамкорликда текширув ўтказмоқда.
Оқ уй матбуот котиби Каролин Левиттнинг таъкидлашича, президент Дональд Трампга ҳодиса ҳақида хабар берилган. Ҳозирда қурбонлар ва жароҳатланганлар ҳақида расмий маълумот йўқ.
Биз ҳозирча бортда қанча одам ҳалок бўлганини билмасак-да, қурбонлар борлигини биламиз, дейди Техас штати сенатори Тед Круз.
Бугун кечқурун Рейган аэропорти яқинидаги тўқнашувда иштирок этганлар учун иборатда бўлдинг. Вазиятни кузатиб боряпмиз, лекин ҳозирча яхшиликка умид қиламиз, дейди Вице-президент ЖД Вансе.
Қутқарувчилар Вашингтондаги Рейган аэропорти яқинидаги Потомак дарёсида тўқнашган самолёт ва вертолёт бортида бўлган одамларни қидирмоқда.
Вашингтондаги самолёт ҳалокатидан камида тўрт киши омон қолган, улар касалхонага ётқизилган, деб хабар бермоқда NBC.
Изоҳ (0)