АҚШнинг Алабама штатида 14 август, якшанба куни икки моторли Piper PA-31 самолётининг қулаши оқибатида олти киши ҳалок бўлди. Бу ҳақда WVTM телеканалига таяниб, «ТАСС» хабар бермоқда.
Авиаҳалокат Нортпорт шаҳридаги аэропорт яқинида содир бўлди. Ҳаво кемаси яқин атрофдаги фермерлик бозоридаги дарахтларга урилди.
Хабарда қайд этилишича, Piper PA-31 самолёти Киссимми (Флорида штати)дан Оксфорд (Миссисипи штати)га йўл олаётган эди. Учиш вақтида двигателда маммолар пайдо бўлди ва учувчи бу ҳақда диспетчерларга маълум қилди.
Қутқарув хизмати ходимлари аэродромнинг яқинлиги туфайли самолёт қулаган жойга тезлик билан етиб келган.
Изоҳ (0)