АҚШнинг Карлсбад шаҳрида реклама баннери ўрнатилган самолёт соҳилбўйига фавқулодда қўнишни амалга оширди. Бу ҳақда «Echo.msk.ru» хабар бермоқда.
Шаҳар маъмуриятининг маълумотларига кўра, учувчига зарар етмаган, бироқ соҳилда турган ўсмир бола касалхонага ётқизилган.
Ҳодисанинг интернетда пайдо бўлган видеоёзувида самолётнинг қийинчилик билан қўнаётгани, сўнг уни йўлтанламас машина сувдан олиб чиқаётганини кўриш мумкин.
Аввалроқ Майамида бошқа бир реклама самолёти сувга қулаган эди. Мазкур ҳолатда ҳеч ким жабрланмаган эди.
Яна бир, нисбатан жиддийроқ авиаҳалокат Техасда юз берган, ҳодиса натижасида икки киши ҳалок бўлгани айтилмоқда.
Изоҳ (0)