Ucell яна Ўзбекистондаги мобил интернет тезлиги бўйича ўзининг етакчи эканини тасдиқлади. Халқаро OOKLA компанияси 2024 йилнинг III ва IV чораклари натижаларига кўра Ucellни энг юқори интернет тезлигига эга деб тан олди*. Олдинроқ, ўтган йилнинг июль ойида, Ucell 2024 йилнинг биринчи ярмида энг юқори тезликдаги мобил интернет учун олтин мукофотини биринчи марта қўлга киритган эди.
Андрей Шишковский, Ucell савдо белгиси COSCOM МЧЖ бош директори:
“Юқори мукофот — бу Ўзбекистоннинг телекоммуникация соҳаси ва рақамли иқтисодиётини ривожлантиришга қилинган таъсирли сармоялари натижаси. Фақат 2024 йилда тўғридан-тўғри инвестициялар 136 миллион АҚШ доллардан ортиқ маблағни ташкил этди. Умумий ҳисобда сўнгги уч йил ичида Ucell 389 миллион доллар сармоя киритган. Бу ютуққа мамлакатнинг энг йирик мобил операторининг ҳар бир ходими ҳисса қўшган: Нукусдан Термизгача, муҳандислардан ва савдо вакилларидан тортиб, сотувчилар-кассирлари ва алоқа маркази операторларигача”.
Стивен Бай, OOKLA президенти ва бош директори, Зифф Дэвис бўлинмаси:
“2024 йил давомида икки марта кетма-кет энг тезкор мобил тармоқ учун Speedtest Award мукофотини қўлга киритиш — бу ажойиб ютуқдир. Ушбу нуфузли мукофот, тармоқнинг ҳақиқий сифатидаги энг юқори натижаларни ифодаловчи мукофот, Ucell компаниясининг Ўзбекистонда энг тезкор мобил тармоқни тақдим этишга бўлган тинимсиз интилишларини тасдиқлайди. Ucellнинг изчил ишлаш кўрсаткичлари соҳада юқори сифат стандартларини белгилаб беради, ва биз бу йўлда иштирок этишдан фахрланамиз”.
Георгий Чуравцов, Ucell тижорат директори:
“Бугунги кунда мобил алоқа хизматидан фойдаланувчи фаол абонентлар сони 9,5 миллиондан ортиқни ташкил этади, бу эса Ucell компаниясига бўлган юқори ишончни кўрсатади. Компания ўз навбатида бу ишончни оқлаш мақсадида, қулай тарифлар ва замонавий смартфонлар таклиф этмоқда. 2024 йилда Ucell янги “Катта Доимий” тариф режасини тақдим этди, унда абонент тўловини ўзгартирмаган ҳолда барча йўналишлар бўйича интернет трафикини икки баравар оширдик ва қўшимча 5G трафикни киритдик”.
Абонентлар хизматида Ucellнинг функсионал мобил иловаси мавжуд: фойдаланувчилар нафақат мобил алоқа, балки уй интернети ва банк кредитларини ҳам тўлашлари мумкин; автоматик тўловлар функцияси ва Visa ва МастерCард халқаро карталари орқали тўлов қилиш имконияти мавжуд. Абонентлар илова орқали қўшимча рақамлар ёки эSIMни улашлари мумкин.
2024 йилда тижорат фойдаланишга 9 490 та янги мантиқий таянч станция ишга туширилди, шулардан 745 таси бешинчи авлод – 5G мобил алоқа станцияларидир. Бир мисол: Фарғона водийсида 87% аҳоли пунктлари 5G тармоғи билан таъминланган; ўтган йилда водийнинг жами 814 та таянч станцияси модернизация қилинди.
Хусусий магистрал алоқа линиялари қурилди, улар Тошкентни Фарғона водийсининг энг йирик шаҳарларини, шунингдек, Сирдарё, Жиззах, Самарқанд, Навоий, Бухоро ва Қашқадарё вилоятларини боғлайди. Бу Ucell абонентлари учун ўсиб бораётган маълумот узатиш ҳажмларини таъминлаш имконини беради.
Ушбу саъй-ҳаракатлар туфайли, ҳатто мамлакатнинг энг чекка ҳудудларида ҳам фойдаланувчилар сифатли алоқа ва тезкор интернетдан фойдаланиш имкониятига эга.
Жалолиддин Бойкулов, COSCOM МЧЖ комплекс ечимлар гуруҳ раҳбари:
“Ucell Тошкент метрополитенини сифатли алоқа билан таъминлаш бўйича яна бир муҳим лойиҳани амалга оширмоқда. Ҳозирда метрополитеннинг 31та станцияси нафақат 3G/4G тармоғи билан, балки 5G тармоғи билан ҳам қамраб олинган, бу эса Ucell абонентларини метрода ҳаракатлариш пайтида ҳам юқори интернет тезлигини таъминлаш имконини беради. Метрополитен раҳбарияти томонидан кўрсатилган амалий ёрдам ва ҳаркорлик туфайли режалаштирилган ишлар қисқа вақт ичида амалга оширилди.
2024 йилда 1700 км дан ортиқ магистрал, ҳудудий, шаҳар ичидаги оптик толали алоқа линиялари қурилди. 300 дан ортиқ радиореле алоқа линияси боғламалари модернизация қилинди”.
Ucell нафақат илғор технологияларга сармоя киритади, балки ходимларни ўқитиш ва ривожлантиришга алоҳида эътибор қаратади, чунки айнан улар юқори даражадаги хизмат кўрсатишни таъминлашда асосий боғланиш нуқтасидир. Компания савдо пунктларини модернизация қилиш ва кенгайтириш стратегиясини фаол давом эттирмоқда, бу эса абонентларга яқин бўлиш ва юқори сифатли хизматларни тақдим этиш имконини беради.
Мобил оператор мамлакатда мобил инфратузилмани ривожлантириш бўйича фаол ишламоқда, кенг абонентлар базаси учун сифатли алоқа таъминланмоқда. Ucell, технологик етакчи сифатида, Ўзбекистонда алоқа ва телекоммуникацияларни ривожлантиришда асосий рол ўйнашни мақсад қилган, таянч станцияларни қуриш ва модернизация қилиш орқали 5G мобил алоқа қамрови ҳудудларини кенгайтирмоқда.
Ucell компаниясининг миссияси: “Оддий, арзон ва ишончли хизматларни тақдим этамиз – одамлар билан ва одамлар учун ишлаймиз”.
* Мобил ва кенг полосали тармоқни таҳлил қилиш соҳасида жаҳон етакчиси бўлган Ookla® халқаро компанияси Speedtest Intelligence маълумотларининг таҳлил натижаларига кўра.
Реклама ҳуқуқи асосида.
Изоҳ (0)