Тошкентда бўлиб ўтган «Инносаноат. Марказий Осиё» халқаро саноат кўргазмасида «Мегафон» ҳамда Ахборот технологиялари ва коммуникацияларини ривожлантириш вазирлиги ўртасида Ўзбекистон IТ мутахассисларини ривожлантириш ва иш билан таъминлаш дастурини йўлга қўйиш бўйича ҳамкорлик меморандуми имзоланди.
Ҳамкорлик дастурлаш ва ишлаб чиқиш соҳасидаги талаб юқори бўлган мутахассисликлар бўйича турли даражадаги мутахассисларни ўқитиш ва ривожлантиришга йўналтирилган. Ўқишдан сўнг иштирокчиларга малакасидан келиб чиқиб, амалиёт ўташ дастури ёки бирданига «Мегафон» жамоасида ҳақиқий лойиҳалар устида иш бошлаш имконияти тақдим этилади.
«‘Мегафон’ энг мураккаб IT лойиҳаларни амалга ошириш бўйича кенг қамровли тажрибага эга. Ўтган йили биз Ўзбекистон бозорига кирдик ва ҳамкорлар билан биргаликда уяли алоқа бозори етакчиларидан бири — Ucell’ни ўз ичига олган мамлакатдаги йирик рақамли ҳолдинг — Digital Holding’ни ривожлантириш билан шуғулланмоқдамиз. Биз мамлакат истиқболини Марказий Осиёдаги энг йирик IT-hub сифатида кўряпмиз ва олий тоифадаги ихтисослашган мутахассисларни тайёрлашда тажрибамиз билан бўлишиш ҳамда ўз ресурсларимизни ишга солишга тайёрмиз», — деди «Мегафон» бош директори Хачатур Помбухчан.
HeadHunter Uzbekistan томонидан тайёрланган 2021 йил учун меҳнат бозори кузатувлари натижасига кўра, бугун IT мамлакат иш берувчилари орасида энг талаб юқори бўлган касб соҳалари бўйича иккинчи ўринни эгаллайди. IT соҳаси ишчиларининг даромад даражаси ва 2020 йилга нисбатан ўсиш суръатлари бўйича анъанага мувофиқ, рейтингнинг юқори қаторидан жой олган.
«Бугун Ўзбекистон ёшларни IТ мутахассисликларга ўқитиш бўйича қатор лойиҳаларни амалга оширмоқда. Шундай қилиб, агар 2000 йиллар бошларида мамлакатда атиги бир неча юз IТ мутахассислар бўлган бўлса, бугун улар сони 50 минг нафардан ошган. 2030 йилга қадар IТ мутахассислар сонини миллион кишига етказиш вазифаси белгиланган. Биз ‘Мегафон’ билан ҳамкорлик АКТ соҳасида малакали кадрларни тайёрлаш масалаларини олға силжитишга хизмат қилади деб ҳисоблаймиз», — дейди Олег Пекос, Ўзбекистон Республикаси Ахборот технологиялари ва коммуникацияларини ривожлантириш вазирининг биринчи ўринбосари.
Digital Holding — Россиянинг USM Telecom ва Ўзбекистон ҳукуматининг қўшма корхонаси. ҚК таркибига Ucell телеком оператори, New Solutions (илгари ICS Holding Uzbekistan) ва CRPT Turon ҳам киради. ҚК фаолияти Ўзбекистон Республикасида халқаро стандартларга мувофиқ рақамли инфраструктурани шакллантириш ҳисобига телекоммуникациялардан фойдаланиш имкониятини кенгайтириш ва сифатини оширишга, шунингдек, маълумотларни сақлаш ва қайта ишлаш, рақамли маркировка, алоҳида товар турлари ҳаракатини назорат қилиш соҳаларида илғор технологияларни жорий этишга қаратилган.
«Мегафон» — бутунроссия рақамли имкониятлар оператори ва Россиядаги юқори мобил интернет тезлиги учун Ookla халқаро компанияси мукофотининг беш карра соҳиби. Компания АТ ва телекоммуникациялари йўналишларини бирлаштиради, мобил ва ўрнатилган алоқа, мобил ва кенг полосали интернет, рақамли телевидение ва OTT видеоконтент хизматлари, инновацион рақамли маҳсулот ва хизматларни тақдим этади. Россияда компания хизматларидан 74,4 миллион мижоз фойдаланади.
Ucell — ўзбек телекоммуникация компанияси, бозорда етакчилардан бири. Мобил алоқа ва кенг полосали интернетга уланиш хизматларини тақдим этади. Ucell Ўзбекистонда биринчи бўлиб 5G стандартини қўллаган. Компания хизматларидан 7,4 миллион абонент фойдаланади.
Реклама ҳуқуқи асосида.
Изоҳ (0)