2014 йил сентябрь ойида энг нуфузли олий ўқув юртларидан бири бўлган Тошкент ахборот технологийлари университети талабалари ўртасида «Мобил дастурлар» танлови бошланган эди. Танлов доирасида ТАТУнинг истеъдодли талабалари мобил иловалар ишлаб чиқиш бўйича билим ва қобилиятларини кўрсатиш имконига эга бўлдилар.
2015 йил 27 февраль куни университетда талабалар, профессорлар, ўқитувчилар, шунингдек Ucell компанияси менежерлари иштирокида тантанали тақдирлаш маросими бўлиб ўтди. Ўз ташрифи давомида «Мобил дастурлар» танлови ғолибларини тақдирлаш маросимига ҳам ташриф буюрган TeliaSonera компаниясининг Евросиё минтақаси бўйича раҳбари Эрик Халлберг ҳам талабаларга ўз табрикларини билдирди.
«Биз таълим соҳасига катта эътибор қаратамиз ва ўзимиз тармоқларини қураётган ва одамларни алоқа билан таъминлаётган мамлакатларнинг технологик ривожланишда қатнашишни ўзимизнинг бурчимиз деб ҳисоблаймиз. Шунингдек, биз ўзимизнинг бой халқаро тажриба ва билимларимизни бўлишишдан мамнун ҳолда телекоммуникациялар соҳасидаги мутахассисларнинг янги авлодини тарбиялашга кўмаклашамиз. Ёшлар янгиликлар учун анча очиқ, шунинг учун ҳам мен ТАТУ талабалари ўз иловалари орқали ривожланишга тайёрликларини кўрсатаётганидан мамнунман. Аминманки, бундай танловлар ёшларнинг янги билимларга иштиёқини оширади», − деди Халлберг.
Танлов шартлари бўйича қуйидаги мавзулардаги ишланмалар қабул қилинди:
- Алоқа сифатини текшириш (Интернет тезлиги, абонентнинг жойлашуви, телефон русуми, абонент рақами ва бошқа маълумотлар);
- Ucell офисларини ва дилерлик марказларини қулай топиш;
- Муносиб тариф ва хизматлар ҳисоблагичи;
- Ucell’нинг Facebook’даги саҳифаси билан қулай алоқа қилиш;
- Ucell’нинг Facebook’даги саҳифасининг «Like»лари сонини ошириш;
- Эркин мавзу (Ucell билан олдиндан келишилган ҳолда).
ТАТУ ўқитувчилари, шунингдек Ucell’нинг эксперт ходимларидан иборат ҳакамлар ҳайъати энг яхши натижаларни кўрсатган 7 нафар иштирокчини танлаб олди. Ғолибликни қуйидаги талабалар қўлга киритди:
- Зоир Олимов / USpeed Application model
- Фарруҳ Баҳодиров / Ucell Analytics
- Воҳид Зарбиев / U-dealer
- Бекзод Буранов / UzChat
- Шоҳрурҳ Шарипов / SmartUcellTelephony
- Иван Белявский / AgentIn
- Самандар Комилов / FindFriend
«Мен Ucell компанияси томонидан тақдим этилган танловда қатнашиш ва мобил дастурларни ишлаб чиқиш бўйича кўникмаларни намойиш этиш имкониятидан жуда хурсандман. Ўзим ҳам компания абоненти бўлган ҳолда мен хизматларни таҳлил қилиб кўрдим, ўз иловамда компаниянинг барча инновация ечимларидан фойдаланишга ва хизматлар тезлигини ошириш учун янги ечимларни таклиф қилишга ҳаракат қилдим. Ҳакамлар ва экспертларнинг фикрлари менга келажакда ҳам янги дастурлар ишлаб чиқишда ва алоқа хизматларини янада қулайроқ қилишга ҳисса қўшишимда ёрдам беради», − деди танлов ғолиби Зоир Олимов.
«Мобил дастурлар» танлови ғолиблари нафақат қимматбаҳо мукофотларга, балки асосийси ва энг яхшиси − компания мутахассисларидан амалий қўллаб-қувватлашга эга бўлди. Университетда ўқиш билан бир вақтнинг ўзида улар мақсадга йўналтирилган ёрдам ҳам олишади. Бу турдаги устозлик талабаларга ўз амалий билимларини оширишларига ёрдам беради.
Реклама ҳуқуқлари асосида.
Изоҳ (0)