Сифатли уяли алоқа ва абонентлар учун максимал қулайликни яратиш йўлида самарали инвестициялар ва ҳамкорлик лойиҳаларини олиб бораётган Ucell компаниясининг фаолияти ҳақида халқаро Телетимес International нашрида мақола чоп этилди.
“Ucell: Техник етакчилик йўлида” деб номланган ушбу мақолада COSCOM МЧЖ (Ucell) компаниясида охирги икки йилда рўй берган ва 2024 йилда ҳам давом этаётган ижобий ўзгаришлар эътироф этилди. Жумладан, 2023 йилда Ucell ва Huawei мутахассислари томонидан мамлакатнинг Сирдарё, Наманган, Тошкент вилояти ва Тошкент шаҳрида мобил тармоқ инфратузилмаси тўлиқ янгиланиши натижасида Ucell абонентларига қурилмаларнинг юқори самарадорликда ишлаши эвазига сифатли хизматларни тақдим этиш имкониятини берилгани, Huawei компаниясининг замонавий ускуналарини ўрнатиш тармоқнинг ишончлилигини оширгани ва ишлашини осонлаштиргани ҳамда овозли қўнғироқлар сифати сезиларли даражада яхшиланиб, Интернет тезлиги ва ундан фойдаланиш қулайлиги ошгани алоҳида таъкидланди.
Сир эмаски, мазкур ўзгаришлар натижасида шаҳарларда, автомобиль йўлларида ва оммавий фойдаланиш жойларида қамров зонаси ошди. Бундан ташқари, 2024 йилда Huawei билан ҳамкорлик давом эттирилиб, йирик шаҳарларда 5G уяли алоқани ривожлантириш бўйича улкан лойиҳа доирасида амалий ишлар бажарилмоқда. Ucell компаниясининг 2019 йилда Ўзбекистонда 5G алоқасини биринчи синовдан ўтказиши билан бошланган лойиҳа уни дастлаб Tashkent City ҳудудида ишга тушириш билан давом этди ва ҳозирда бутун мамлакат бўйлаб ёйилмоқда.
Телетимес International мақоласида Ucell фаолиятидаги бу каби қадамларга Ўзбекистон Республикаси Рақамли Технологиялар Вазирлиги томонидан ишлаб чиқилган “Рақамли Ўзбекистон – 2030” стратегияси муҳим рол ўйнаганлигига алоҳида урғу берилмоқда.
Маълумот ўрнида, Ucell телекоммуникация соҳасида “Иқтисодиёти тез ривожланаётган мамлакатларда бозорнинг энг яхши ривожланиши учун” номинацияси бўйича нуфузли Леад Awards мукофоти билан тақдирланган. Ушбу мукофот компанияга дунёнинг 26 мамлакатидаги 85 дан ортиқ уяли алоқа операторлари ва хизмат кўрсатувчи провайдерларнинг манфаатларини ҳимоя қилувчи “САMEНА” телекоммуникация Кенгаши томонидан топширилган.
Реклама ҳуқуқи асосида.
Изоҳ (0)