Юқори технологик хизматларни тақдим этиш мақсадида бизнес фаолиятини ривожлантириб бораётган Ucell компанияси ўз абонентлари учун кўплаб акцияларни ўтказмоқда. «Интернет-пойгалар — 2016» промо-акцияси ҳам шундай тадбирлар сирасига киради. Унинг асосий ғояси — бозорда мобил интернет хизматларини илгари суриш, фойдаланувчилар орасида уяли алоқанинг замонавий воситаларини оммалаштиришдан иборат. «Формула 1» Гран-при босқичига йўлланмалар ҳамда Ucell компаниясининг муносиб совринларини қўлга киритиш учун мобил интернетдан фойдаланиш ва имкониятларни тўплаш лозим эди, деб хабар беради Ucell компаниясининг матбуот офиси.
Аслида, қироллик пойгалари ва мобил интернет ўртасида қандай ўхшашлик бор экан, деб ўйлаш мумкин? Бир томондан сайёрадаги энг тез машиналар двигателларининг ғувиллаши, бошқа томондан эса – симсиз алоқа ёрдамида масофали мулоқот қилиш. Умумийлик ана шу тезликда! Айнан тезлик ҳам пойгаларда, ҳам акцияда ғолиб бўлишнинг асосий шарти ҳисобланади.
Ucell уюштираётган Интернет пойгаларнинг «Болиди» иштирокчиларнинг смартфонлари бўлди. «Отхона», яъни машиналар саройи ролини уни ишлаб чиқарган компания ижро этди. «Peloton» бўлиб эса энг кўп имкониятларни тўплаган етакчи 20 нафар абонентлар булди. Тадбирда ғолиб бўлишнинг асосий шарти фойдаланилган мобил интернетнинг тезлиги ва ҳажмидан иборат эди. Эслатиб ўтамиз, ушбу акция 2016 йил 7 апрелдан 26 июнгача давом этди. Имкониятларнинг биринчи ютуқли ўйини 23 майда бўлиб ўтди. Ўшанда тўртта Android One 4G смартфони, учта Samsung Galaxy Ace LTE style 4G смартфони ва яна шунча Huawei E3272 4G модем ўз эгаларини топди.
Ucell Plaza биносида ўтказилган акциянинг якуний босқичи унинг иштирокчилари учун байрамга айланди. Анъанага кўра Ucell компанияси ёрқин кўнгилочар дастурни ташкил қилди ва унинг доирасида тадбир ғолибларини аниқлаш бўйича «финиш» ўйини иштирокчилар учун энг ҳаяжонли дамларни ҳадя қилди. Интернет тармоғи «тўртинчи» тезликда ишлашини таъминлайдиган Android One, Samsung Galaxy Ace LTE style смартфонлари ҳамда Huawei E3272 модемлари бўйича уюштирилган ютуқли ўйинлар билан бир қаторда, шу куни иккинчи бош соврин – Куала-Лумпурда бўлиб ўтадиган «Формула 1»нинг Малайзиядаги босқичига икки кишилик бир йўлланманинг совриндори маълум бўлди.
«Интернет менга ишимда ва умуман ҳаётимда катта ёрдам беради. Мобил интернет эса мен учун жуда аҳамиятли, чунки доимо ёнимда бўлади. Ушбу акция тўғрисида хабар топиб, тақдим этилган қулай имкониятдан фойдаланишга қарор қилдим. Ҳозир ичимдаги ҳис-туйғуларимни бир сўз билан ифодалаб бўлмайди. Мен қироллик пойгаларининг кўп йиллик ишқибозиман. Менинг энг хуш кўрган пойгачим – Себастьян Феттель, у Ferrari жамоасининг аъзоси. Ва мана энди мен шахсан унинг иштирокида бўладиган мусобақаларнинг гувоҳи бўламан. Бундай ажойиб имконият учун Ucell’га катта раҳмат айтаман!» — дейди «Интернет-пойгалар — 2016» акциясининг ғолиби Ғуломов Сухроб.
«Орзулар рўёбга чиқмоқда!» — деб таъкидлашди тадбирнинг қатор бошқа иштирокчилари. Дарвоқе, улар Ucell мобил интернетининг сифати сезиларли яхшиланганлиги, интернет хизматлари турлари кўпайганлигини ва бу ҳар бир фойдаланувчи учун зарур бўлган хизматни танлаб олишга имкон бераётганлигини эътироф этишди.
Ucell компанияси Истеъмолчилар сегменти Директори Агшин Гаджиев баён қилади: «Ucell мобил интернетдан фойдаланиш имкониятларини янада кенгайтиришга интилмоқда. Бу фикр унинг нархи, тезлиги ва қамровига ҳам тааллуқлидир. Бу масаланинг самарали ечими кўп жиҳатдан интернет фойдаланувчилари ва абонентларимиз сонига боғлиқдир. Ушбу акция эса абонентлар орасида мобил интернетдан фойдаланишни рағбатлантиришга қаратилган. Компанияда бутун мамлакат ҳудуди бўйлаб тармоқни техник кенгайтириш ва модернизациялашга қаратилган лойиҳалар амалга оширилмоқда. Ва бу, шубҳасиз, интернет хизматларини кенг илгари суриш учун янги имкониятларини яратади».
Бугунги кунда 3 миллиондан ортиқ Ucell абонентлари мобил интернетдан самарали фойдаланиб келади. Бу ўз навбатида улар мулоқот учун энг мақбул тезликни танлаётганларидан дарак беради. Бу каби акцияларни ўтказиш эса, шак-шубҳасиз, абонентлар қатори янада кенгайишига хизмат қилади.
Реклама ҳуқуқи асосида. Хизматлар лицензияланган
Изоҳ (0)