Ucell yana O'zbekistondagi mobil internet tezligi bo'yicha o'zining yetakchi ekanini tasdiqladi. Xalqaro OOKLA kompaniyasi 2024 yilning III va IV choraklari natijalariga ko'ra Ucellni eng yuqori internet tezligiga ega deb tan oldi*. Oldinroq, o‘tgan yilning iyul oyida, Ucell 2024 yilning birinchi yarmida eng yuqori tezlikdagi mobil internet uchun oltin mukofotini birinchi marta qo‘lga kiritgan edi.
Andrey Shishkovskiy, Ucell savdo belgisi COSCOM MChJ bosh direktori:
“Yuqori mukofot — bu O'zbekistonning telekommunikatsiya sohasi va raqamli iqtisodiyotini rivojlantirishga qilingan ta'sirli sarmoyalari natijasi. Faqat 2024 yilda to'g'ridan-to'g'ri investitsiyalar 136 million AQSh dollardan ortiq mablag’ni tashkil etdi. Umumiy hisobda so'nggi uch yil ichida Ucell 389 million dollar sarmoya kiritgan. Bu yutuqqa mamlakatning eng yirik mobil operatorining har bir xodimi hissa qo'shgan: Nukusdan Termizgacha, muhandislardan va savdo vakillaridan tortib, sotuvchilar-kassirlari va aloqa markazi operatorlarigacha”.
Stiven Bay, OOKLA prezidenti va bosh direktori, Ziff Devis bo'linmasi:
“2024 yil davomida ikki marta ketma-ket eng tezkor mobil tarmoq uchun Speedtest Award mukofotini qo'lga kiritish — bu ajoyib yutuqdir. Ushbu nufuzli mukofot, tarmoqning haqiqiy sifatidagi eng yuqori natijalarni ifodalovchi mukofot, Ucell kompaniyasining O'zbekistonda eng tezkor mobil tarmoqni taqdim etishga bo'lgan tinimsiz intilishlarini tasdiqlaydi. Ucellning izchil ishlash ko'rsatkichlari sohada yuqori sifat standartlarini belgilab beradi, va biz bu yo'lda ishtirok etishdan faxrlanamiz”.
Georgiy Churavtsov, Ucell tijorat direktori:
“Bugungi kunda mobil aloqa xizmatidan foydalanuvchi faol abonentlar soni 9,5 milliondan ortiqni tashkil etadi, bu esa Ucell kompaniyasiga bo'lgan yuqori ishonchni ko'rsatadi. Kompaniya o'z navbatida bu ishonchni oqlash maqsadida, qulay tariflar va zamonaviy smartfonlar taklif etmoqda. 2024 yilda Ucell yangi “Katta Doimiy” tarif rejasini taqdim etdi, unda abonent to'lovini o'zgartirmagan holda barcha yo'nalishlar bo'yicha internet trafikini ikki baravar oshirdik va qo'shimcha 5G trafikni kiritdik”.
Abonentlar xizmatida Ucellning funksional mobil ilovasi mavjud: foydalanuvchilar nafaqat mobil aloqa, balki uy interneti va bank kreditlarini ham to'lashlari mumkin; avtomatik to'lovlar funksiyasi va Visa va MasterCard xalqaro kartalari orqali to'lov qilish imkoniyati mavjud. Abonentlar ilova orqali qo'shimcha raqamlar yoki eSIMni ulashlari mumkin.
2024 yilda tijorat foydalanishga 9 490 ta yangi mantiqiy tayanch stansiya ishga tushirildi, shulardan 745 tasi beshinchi avlod – 5G mobil aloqa stansiyalaridir. Bir misol: Farg'ona vodiysida 87% aholi punktlari 5G tarmog'i bilan ta'minlangan; o‘tgan yilda vodiyning jami 814 ta tayanch stansiyasi modernizatsiya qilindi.
Xususiy magistral aloqa liniyalari qurildi, ular Toshkentni Farg'ona vodiysining eng yirik shaharlarini, shuningdek, Sirdaryo, Jizzax, Samarqand, Navoiy, Buxoro va Qashqadaryo viloyatlarini bog'laydi. Bu Ucell abonentlari uchun o'sib borayotgan ma'lumot uzatish hajmlarini ta'minlash imkonini beradi.
Ushbu sa'y-harakatlar tufayli, hatto mamlakatning eng chekka hududlarida ham foydalanuvchilar sifatli aloqa va tezkor internetdan foydalanish imkoniyatiga ega.
Jaloliddin Boykulov, COSCOM MChJ kompleks yechimlar guruh rahbari:
“Ucell Toshkent metropolitenini sifatli aloqa bilan ta'minlash bo'yicha yana bir muhim loyihani amalga oshirmoqda. Hozirda metropolitenning 31ta stansiyasi nafaqat 3G/4G tarmog'i bilan, balki 5G tarmog'i bilan ham qamrab olingan, bu esa Ucell abonentlarini metroda harakatlarish paytida ham yuqori internet tezligini ta’minlash imkonini beradi. Metropoliten rahbariyati tomonidan ko'rsatilgan amaliy yordam va harkorlik tufayli rejalashtirilgan ishlar qisqa vaqt ichida amalga oshirildi.
2024 yilda 1700 km dan ortiq magistral, hududiy, shahar ichidagi optik tolali aloqa liniyalari qurildi. 300 dan ortiq radiorele aloqa liniyasi bog‘lamalari modernizatsiya qilindi”.
Ucell nafaqat ilg'or texnologiyalarga sarmoya kiritadi, balki xodimlarni o'qitish va rivojlantirishga alohida e'tibor qaratadi, chunki aynan ular yuqori darajadagi xizmat ko'rsatishni ta'minlashda asosiy bog'lanish nuqtasidir. Kompaniya savdo punktlarini modernizatsiya qilish va kengaytirish strategiyasini faol davom ettirmoqda, bu esa abonentlarga yaqin bo‘lish va yuqori sifatli xizmatlarni taqdim etish imkonini beradi.
Mobil operator mamlakatda mobil infratuzilmani rivojlantirish bo‘yicha faol ishlamoqda, keng abonentlar bazasi uchun sifatli aloqa ta'minlanmoqda. Ucell, texnologik yetakchi sifatida, O'zbekistonda aloqa va telekommunikatsiyalarni rivojlantirishda asosiy rol o'ynashni maqsad qilgan, tayanch stansiyalarni qurish va modernizatsiya qilish orqali 5G mobil aloqa qamrovi hududlarini kengaytirmoqda.
Ucell kompaniyasining missiyasi: “Oddiy, arzon va ishonchli xizmatlarni taqdim etamiz – odamlar bilan va odamlar uchun ishlaymiz”.
* Mobil va keng polosali tarmoqni tahlil qilish sohasida jahon yetakchisi bo‘lgan Ookla® xalqaro kompaniyasi Speedtest Intelligence ma'lumotlarining tahlil natijalariga ko‘ra.
Reklama huquqi asosida.
Izoh (0)