АҚШ Исроилнинг “Темир гумбаз” ракетага қарши мудофаа тизимининг аналогини яратади. Президент Дональд Трамп армия бўйича фармонлар имзолади. Бу ҳақда NBC News хабар берди.
“Қалқон”ни ишлаб чиқиш Трампнинг сайловолди ваъдаларидан бири эди. Мудофаа тизимларини тўлиқ АҚШда ишлаб чиқариш режалаштирилган. Бунда етакчи ролни темир рудаси қазиб олишда пешқадам бўлган Миннесота штати ўйнаши мумкин.
Биз америкаликларни ҳимоя қила оладиган замонавий ракетага қарши “Темир гумбаз” қалқонини ишлаб чиқишни зудлик билан бошлашимиз керак, деди Америка раҳбари.
У АҚШнинг “баллистик, қанотли ва гипертовушли ракеталар” томонидан “ҳалокатли таҳдид”га дуч келаётганини маълум қилди. Бироқ, АҚШ (3 800 000 квадрат мил) каби катта мамлакатни ҳимоя қилишга қодир бўлган ҳар қандай қалқон, майдони 8630 квадрат мил бўлган Исроил тизимидан анча каттароқ бўлиши аниқ.
Кўплаб ҳарбий экспертлар бундай миқёсдаги “Темир гумбаз” самарасиз бўлиши ва жуда қимматга тушиши ҳақида огоҳлантирмоқда.
Трампнинг бошқа фармонлари “гендер радикализми”ни йўқ қилиш ва армияда хилма-хиллик, тенглик ва инклюзивлик сиёсатига тааллуқли. Сиёсатчи илгари ҳам гендер хилма-хиллигига қарши чиққанди. 2018 йилда, ўзининг биринчи муддати давомида, у трансгендерларнинг армияда хизмат қилишини тақиқлаганди. Ҳокимиятга келган Жо Байден бу тақиқни бекор қилган. Оқ уйга қайтгандан сўнг, республикачи АҚШда фақат иккита жинсни — эркак ва аёлни расман тан олди.
Изоҳ (0)