Бола ҳар доим ота-оналар учун катта қувончдир — эгизаклар эса икки марта кўпроқ бахтдир. Қуйида Голливуд актёрлари, қўшиқчилари ва аристократларидан қайси бири бир вақтнинг ўзида камида иккита меросхўр етиштириш бахтига муяссар бўлгани ҳақида маълумот берамиз.
Жорж ва Амаль Клуни
Уларнинг эгизаклари қачон туғилган: 2017 йил 6 июнь
2017 йилнинг июль ойида Голливуднинг бетакрор жуфтлиги, актёр Жорж Клуни ва унинг рафиқаси, халқаро ҳуқуқшунос Амаль ҳам эгизакларнинг бахтли ота-онасига айланишди. Александр ва Элла туғилганда Клуни 56, Амаль эса 39 ёшда эди.
Уларнинг таъкидлашича, иккаласи ҳам ота-она ролидан ҳақиқий завқ олишади: Жорж чақалоқларнинг тагликларини алмаштиришдан қочмайди, рафиқаси эса карьерасини ҳам, оналикни ҳам мукаммал уйғунлаштира олади.
Бейонсе ва Jay Z
Уларнинг эгизак фарзандлари қачон туғилган: 2017 йил 12 июнь
2017 йил февралда қўшиқчи Бейонсе ва унинг турмуш ўртоғи, продюсер Jay Z нинг яқинда эгизакларнинг ота-онаси бўлишлари ҳақидаги хабари чиндан ҳам мисли кўрилмаган шов-шувга сабаб бўлди ва глобал тармоқни портлатиб юборди. Атиги 11 соат ичида қўшиқчининг ҳомиладорлиги ҳақидаги Instagram’даги пости ижтимоий тармоқ тарихидаги рекорд даражадаги 8 миллион лайк тўплади.
Бироқ хонанда ўзининг севимли «Она Ер» образидаги янги туғилган чақалоқларини обуначиларга кўрсатган фотосурати ҳам ундан кам машҳур бўлмади. Юлдузли ота-оналар эгизаклар учун биринчи қизи Блю Айвига ўхшаш ноодатий исм танлади — Румий ва Сер, улар илгари АҚШ Савдо палатасида исмларга бўлган ҳуқуқларни рўйхатдан ўтказган.
Энрике Иглесиас ва Анна Курникова
Уларнинг эгизак фарзандлари қачон туғилган: 2017 йил 16 декабрь
Уч йил олдин, 2000 йилларнинг машҳур жуфтлиги Энрике Иглесиас ва Анна Курникова фарзандли бўлишганини маълум қилишди. Юлдузли ота-оналар ўзларининг Instagram аккаунтларида эълон қилган янгилик ҳамма учун мутлақо ажабланарли бўлди: ахир, ҳеч ким нафақат эгизакларнинг туғилган санасини, балки Аннанинг ҳомиладорлигини ҳам билмас эди. Маълум бўлишича, ҳатто юлдузлар ҳам ўзларининг шахсий ҳаётини сир сақлаши мумкин.
Анжелина Жоли ва Бред Питт
Уларнинг эгизак фарзандлари қачон туғилган: 2008 йил 12 июль
Шубҳасиз, Жоли ва Бреднинг эгизаклари сайёрадаги энг машҳурларидир. Айниқса, таниқли эр-хотиннинг ажралиши фонида. Айтганча, Франциянинг Ницца шаҳрида туғилган Нокс Леон ва Вивен Марчелине нафақат энг машҳур ота-онанинг фарзанди, балки энг катта гонорар олган болалар ҳам: уларнинг янги туғилган чақалоқлигидаги фотосуратлари 14 миллион долларга Hello ва People журналларига сотилиб, жаҳон рекордини ўрнатган. Кўринишидан, актёрлар болаларини туғилганданоқ яхши ишлар қилишга ўргатишга қарор қилишган: пулларнинг ҳаммаси хайрияга ўтказилади.
Криштиану Роналду ва Жоржина Родригес
Уларнинг эгизак фарзандлари қачон туғилган: 2017 йил 8 июнь
Ҳозирда португалиялик футболчи тўрт нафар фарзандни тарбияламоқда, улардан учтаси суррогат она туфайли дунёга келган, жумладан, 2017 йилнинг июнь ойи бошида туғилган эгизаклар Эва ва Матеу ҳам. Бироқ футболчи болаларини биринчи марта бир неча ҳафтадан сўнг кўрган: ўша пайтда Криштиану бутун ойни Россияда Конфедерациялар кубогида ўтказади. Бироқ оталик туйғуси спорт амбицияларини енгди: ҳужумчи болаларининг олдига қайтиш учун учинчи ўйинда қатнашишдан бош тортади.
Жулиа Робертс ва Даниэль Модер
Уларнинг эгизак фарзандлари қачон туғилган: 2004 йил 28 ноябрь
Робертс 36 ёшида эгизаклари — қизи Ҳазел ва ўғли Финнеасни дунёга келтирди, кейин болаларни тарбиялаш учун жами беш йил давомида актрисалик фаолиятини тўхтатди. Бироқ ҳозир ҳам болалари анча катта бўлган бўлса-да, унинг фильмдаги роллари эпизодик бўлиб, бу фарзандлари трабиясидан узоқлашишни талаб қилмайди. Шундай қилиб, Жулиа унинг учун оила ҳар доим биринчи ўринда туришини тинимсиз исботлашда давом этмоқда.
Женнифер Лопес ва Марк Энтони
Уларнинг эгизак фарзандлари қачон туғилган: 2008 йил 22 февраль
Бу жуфтликнинг тарихи тақдирнинг кутилмаган бурилишлари ва фожиали оқибатларга тўла. Кўп йиллар давомида улар ҳатто ЭКУ ёрдамида ҳам фарзандли бўла олмадилар ва энг яхши шифокорлар ҳам бу борада ёрдам беролмади. Бироқ тақдир Лопеснинг қатъиятлилиги туфайли уни мукофотлади — эр-хотин ҳозир 14 ёшда бўлган Макс ва Эмманинг ота-онаси бўлди. Ҳозир эса Женнифер ва Марк ажрашган, аммо дўстона муносабатларни сақлаб қолиб, фарзандларини биргаликда тарбияламоқда.
Марайя Керри ва Ник Каннон
Уларнинг эгизак фарзандлари қачон туғилган: 2011 йил 30 апрель
Ҳозирда собиқ жуфтлик эгизакларнинг ота-онаси бўлиш бахтига сазовор бўлди – қизи Монро ва ўғли Мароканно. Хонанданинг ҳомиладорлиги жуда оғир кечади ва кўплаб интервьюларида у яна буни бошдан кечиришга тайёр эмаслигини бир неча бор айтиб ўтган. Инсайдерларнинг сўзларига кўра, ажралиш сабабларидан бири унинг яна она бўлишни истамаслиги эди.
Зои Салдана ва Марко Перего
Уларнинг эгизак фарзандлари қачон туғилган: 2014 йил 27 ноябрь
Атиги уч ойлик муносабатлардан сўнг, жуфтлик ўзларини ота-она ролида синаб кўришга қарор қилишди. Ҳозирча актриса ва рассом учун ҳаммаси яхши кетмоқда: 2017 йил февраль ойида улар яна фарзандли бўлишди.
Изоҳ (0)