2022 йил аксарият машҳур инсонлар оиласига янги жажжи меҳмон ташриф буюриб, уларни хурсанд қилди. Лиса нашри 2022 йилда ота-она бўлган машҳур жуфтликлар ҳақида маълумот берди.
Кайли Женнер ва Тревис Скотт
Февраль ойи бошида, яъни 2022 йилнинг 2 февралида Кайли ва унинг севгилиси, рэпер Тревис Скотт иккинчи марта ота-она бўлди. Машҳур жуфтликнинг оиласида ўғил фарзанд дунёга келди, бундан ташқари уларнинг тўрт ёшли Сторми исмли қизи ҳам бор.
Қизиғи шундаки, кўпчилик Женнер фарзанд дунёга келтиришни чиройли санада режалаштирган деб ўйлаган, айримлар эса унинг Янги йил байрамидан олдин фарзанд дунёга келтиришини тахмин қилган. Бироқ Кайли бу тахминларнинг ҳеч қайсига изоҳ бермади.
Кайли фарзандига Вулф деб исм қўйди, бироқ кейин фикрини ўзгартирганини маълум қилди, у ҳозирча бу қандай исм эканини айтмаган. «Ўғлимиз бундан кейин Вулф деб номланмайди. Бу чақалоқ учун тўғри исм эмаслигини тушундик. Бундан ташқари, биз бу сўнгги пайтларда жуда машҳур бўлиб кетганини пайқадик», — дейди Женнер.
Рози Хантингтон-Уайтли ва Жейсон Стетхем
Рози ҳам шу йилнинг февраль ойи бошида она бўлди. Модель ва актёр Жейсон Стетхемнинг оиласида Изабелла исмли қиз фарзанд дунёга келди. Жуфтликнинг Жек Оскар исмли беш ёшли ўғли ҳам бор.
Қизиғи шундаки, Рози ва Жейсон 12 йилдан бери бирга яшайди, бироқ расман никоҳдан ўтмаган, актёр 2016 йилда ўз севгилисига турмуш қуришни таклиф қилган.
Криштиану Роналду ва Жоржина Родригес
Шу йилнинг апрель ойида Криштиану ва унинг севгилиси эгизак фарзандли бўлди. Бироқ эгизак фарзандлардан бири туғилиш жараёнида вафот этди, шунинг учун машҳур жуфтлик узоқ вақт ўзига кела олмади.
«Биз кичкина фарзандимизнинг вафот этганини чуқур қайғу билан эълон қиламиз. Бу ҳар қандай ота-она бошдан кечириши мумкин бўлган энг катта оғриқдир. Фақатгина қизимизнинг туғилиши бизга бу онни умид ва бахт билан ўтказишга куч беради. Шифокорлар ва ҳамшираларга қўллаб-қувватлагани ҳамда кўрсатган ёрдами учун миннатдорчилик билдирамиз. Чуқур қайғудамиз ва бу жуда оғир вақтда турли хил асоссиз маълумотлар тарқатмасликни сўраймиз. Болам, сен бизнинг фариштамизсан. Биз сени абадий севамиз», — дейди Роналду.
Футболчи қизига Белла Эсмералда деб исм қўйди. Жуфтликнинг 3 ёшли Алана Мартина исмли қиз фарзанди бор. Шунингдек, Родригес Роналдунинг суррогат онадан туғилган уч нафар фарзандига ҳам оналик қилади.
Приянка Чопра ва Ник Жонас
Январь ойида Приянка ва Ник Малти Мари исмли қизга ота-она бўлди. Қизалоқни суррогат она туғилишидан 12 ҳафта олдин дунёга келтирган. Малти Мари жуда кичкина ва бироз заиф бўлгани учун у деярли тўрт ойни касалхонада ўтказишга мажбур бўлди. Ҳозирда қизалоқнинг аҳволи яхши, бироқ машҳур жуфтлик фарзандини оммага кўрсатмайди.
Софи Тёрнер ва Жо Жонас
Софи 2020 йилда биринчи қизи Вилла туғилгандан сўнг, иккинчи маротаба фарзандли бўлишни хоҳлаётганини тан олди. Бироқ у роппа-роса икки йилдан сўнг ўз истагини амалга оширди. Софи ва унинг турмуш ўртоғи, хонанда Жо Жонас 2022 йилнинг июль ойида иккинчи қизалоққа ота-она бўлди. Бироқ жуфтлик ҳозиргача фарзандининг исмини оммага маълум қилмаган.
«Мен учун ҳаётнинг мазмуни – келажак авлодни тарбиялаш. Ҳаётдаги энг ажойиб нарса қизимнинг кучайиб бораётганини кўришдир. Биз оиламиз катталашганидан жуда хурсандмиз. Бу дунёдаги энг яхши неъмат», — дейди актриса.
Женнифер Лоуренс ва Кук Марони
Женнифер ҳомиладорлигини жуда узоқ вақт давомида, папараццилар уни сирини очишга муваффақ бўлмагунча яширди. Бироқ, фарзандини дунёга келтириши ҳақида унинг ўзи эмас, инсайдерлар гапирган. Актриса ва унинг турмуш ўртоғи Кук Марони оиласида ўғил фарзанд дунёга келди, улар ўғлига Сай исм қўйди.
Рианна ва А$АP Rocky
Бутун дунё ҳомиладор Рианнанинг модадаги чиқишларини қизиқиш билан кузатиб борди. Май ойида Рианна ўғил фарзандни дунёга келтирди, бироқ хонанда ҳозирча унинг исмини айтмайди ва чақалоқнинг суратини ижтимоий тармоқларга жойлаштиришдан бош тортади.
Эд Ширан ва Черри Сиборн
Британиялик мусиқачи Эд Ширан ва унинг рафиқаси Черри ҳам май ойида ота-она бўлди. Жуфтлик иккинчига қизига ғайриоддий — Юпитер Сиборн исмини қўйди. «Сизларга шуни маълум қилмоқчиманки, бизнинг оиламизда яна бир ажойиб қизалоқ дунёга келди. Иккаламиз ҳам оиламиз тўрт кишига кўпайганидан жуда хурсандмиз», — дейди Ширан.
Квентин Тарантино ва Даниэла Пик
Машҳур Голливуд режиссёри, узоқ вақт бўйдоқ бўлган ва 55 ёшида, бундан тўрт йил олдин исроиллик хонанда Даниэла Пикка билан турмуш қурди. Хонанда Квентиндан 25 ёш кичик, 2020 йилда жуфтлик Лео исмли ўғилга ота-она бўлди ва 2022 йилнинг июль ойида уларнинг қиз фарзанди Исроилда туғилди.
Ҳилария ва Алек Болдуин
Жорий йилнинг сентябрь ойида Голливуд актёрининг оиласи янада кенгайди — унинг рафиқаси еттинчи фарзандини дунёга келтирди. Алек ва Ҳилариянинг оиласида яна бир қиз фарзанд дунёга келди. «Биз сизга ўзимизнинг кичкина орзумиз Илария Каталина Иренани таништиришдан жуда хурсандмиз», — дейди актёрнинг рафиқаси ижтимоий тармоқларда. 2021 йилнинг март ойида жуфтликнинг яна бир қизи суррогат она орқали дунёга келган эди.
Адриана Лима ва Андре Леммерс
2021 йилда бразилиялик модель продюсер Андре Леммерс билан учрашишни бошлади ва шу йилнинг кузида жуфтлик Сиян исмли ўғил фарзандга ота-она бўлди. «Бу кўринадиган ёруғлик спектрида яшил ва кўк ўртасидаги ранг. Сиан — Бора-Бора ва Мальдив оролларидаги сувнинг ранги, бизнинг оиламиз севадиган жойлар. Сиан бизнинг севимли рангимизга айланди. Бу кичкина болакайимизнинг кўз ранги», — дейди Адриана. Маълумот учун, Лиманинг сербиялик баскетболчи Марк Ярич билан биринчи турмушидан икки қизи бор.
Мавзуга доир:
- «Етарлича идеал эмас»: ташқи кўриниши туфайли кастингдан ўтолмаган машҳурлар (фото).
- Ишдан ҳайдалган Мадонна, ухлаб қолгани учун актриса бўлган Мерил Стрип, уйида шер ва фил боққан Мелани Гриффит — машҳурлар ҳақида сиз билмайдиган қизиқарли фактлар.
- Машҳурлар қандай уйларда яшайди? Энг замонавий уйларнинг бетакрор интерьерлари.
- Майкл Жексон, Николас Кейж ва бойлигини бирданига йўқотиб, камбағалга айланган бошқа бадавлат машҳурлар (фото).
Изоҳ (0)