БМТ Бош ассамблеяси доирасида Россия ва Ўзбекистон ташқи ишлар вазирлари учрашуви бўлиб ўтди. Бу ҳақда Бахтиёр Саидов ўз Telegram каналида маълум қилди.
“Маданиятлараро ва динлараро мулоқот орқали барқарор ривожланиш учун тинч ва инклюзив жамиятлар яратишга кўмаклашиш” мавзусида юқори даражадаги панел муҳокамалари ўтказилган.
“БМТ Цивилизациялар альянси, барча маърузачилар ва иштирокчиларга кўрсатган кўмаги учун миннатдорлик билдирамиз. Ўзбекистоннинг умумий хавфсизлик ва фаровонлик манфаатлари йўлида тинчлик, мулоқот ва инклюзивлик маданиятини илгари суриш бўйича қатъий интилишини яна бир бор тасдиқлаймиз”, дейди вазир.
Шунингдек, стратегик шериклигимизнинг долзарб мавзулари, шунингдек, бўлажак олий ва юқори даражадаги тадбирларга тайёргарлик кўриш юзасидан атрофлича суҳбат ўтказилган. Анъанага кўра, ҳамкорлик кун тартиби кенг бўлиб, барча соҳаларни қамраб олган.
“Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳимлиги таъкидланди. Биз иттифоқчилик руҳидаги доимий мулоқотимизни давом эттиришга келишиб олдик”, дейди Бахтиёр Саидов.
Ўзи нима гап?
Тошкентнинг Чилонзор туманидаги 188-мактабда рус тили фани дарсида ўқитувчи 6-синф ўқувчисини урди. Ҳолат акс этган видео ижтимоий тармоқларда тарқалиб, кенг муҳокамаларга сабаб бўлди. Facebook’даги “Потребител.уз” гуруҳида ёзилишича, ўқитувчи рус синфига дарсни ўзбек тилида ўтган. Ўқувчи дарсни рус тилида ўтишни сўраган. Шундан сўнг видеода акс этган ҳолат юз берган.
Россия ТИВ муносабати
Россия Ташқи ишлар вазирлиги расмий вакили Мария Захарова Ўзбекистондан юз берган ҳодисага ҳуқуқий баҳо беришни ва болага нисбатан шафқатсизлик қилган айбдорга қарши чоралар кўриш сўралганини айтди.
“Бу масалани диққат-эътиборимиз марказида тутамиз”, деган Россия Ташқи ишлар вазирлиги расмийси.
Тошкент шаҳар мактабгача ва мактаб таълими бошқармаси матбуот хизматининг маълум қилишича, болани урган аёл синов муддати билан мактабга ишга таклиф қилинган, видеодаги воқеа унинг дастлабки иш кунида кузатилган. Воқеадан хабар топган ўқувчининг ота-онаси ҳуқуқ-тартибот идораларига мурожаат қилган. Айни пайтда суриштирув ишлари олиб борилмоқда.
Ўқитувчининг бошқа ҳуқуқбузарликлари
Шу билан бирга, ушбу аёл бошқа бир қанча ҳуқуқбузарликлар содир этгани аниқланган. Қизи ўқийдиган бошқа мактабда мактаб директори ўринбосари бўлган аёлга жисмоний куч ишлатган, Миллий гвардия ва ИИО ходимларига нисбатан ғайриижтимоий муносабатда бўлиб, уларининг қонуний талабларини бажармасдан кескин қаршилик кўрсатган.
Бундай қилмиши учун унга 25 сентябрь куни 7 сутка маъмурий қамоқ жазоси, БҲМнинг 3 баравари (1 020 000 сўм) ва БҲМнинг 7 баравари (2 380 000 сўм) миқдорида жарима жазоси тайинланган.
Алишер Қодиров Мария Захаровага жавоб қайтарди
Алишер Қодиров Россия Ташқи ишлар вазирлиги расмий вакили Мария Захарова Тошкентдаги мактабда ўқитувчи ўқувчини ургани юзасидан Ўзбекистондан тушунтириш сўраганига муносабат билдирди.
Унда бола ҳуқуқи Ўзбекистон мактабида, Ўзбекистон фуқаросининг боласига нисбатан бузилганини ва чораси Ўзбекистон халқи номидан қабул қилинган қонунлар асосида кўрилишини таъкидлади. “Бизнинг ички ишларимиз ҳақида бош қотиргунча муаммоларга тўла ўзларининг ишлари билан шуғулланишса, тўғри бўлар эди. Текис жойда тўполондан фойда чиқмаслигини тушуниб етишди, деган хулосага эртароқ шекилли”, деди “Миллий тикланиш” партияси депутати Алишер Қодиров.
Мария Лвова-Белова: Ўзбекистонда русийзабон ўқувчининг калтакланиши бўйича фавқулодда вазият кўриб чиқилмоқда
Россия болалар омбудсмани Мария Лвова-Белова ўзбекистонлик ҳамкасби Сурайё Раҳмонова билан алоқада эканини айтди.
“Рус тилида сўзлашувчи ўқувчининг калтакланиши билан боғлиқ вазият унинг назоратида. Ҳамкасб мамлакат Ички ишлар вазирлиги, Мактабгача ва мактаб таълими вазирлигига сўров юборган. Чилонзор тумани ИИБ томонидан терговга қадар текширув ўтказилмоқда”, дейди Лвова-Белова ўзининг Telegram каналида.
Халқаро жиноий суд 2023 йил 17 март куни Мария Лвова-Беловани ҳибсга олишга ордер берганди. У Россия президенти Владимир Путин билан бирга Украинанинг босиб олинган ҳудудларидан болаларни Россияга ноқонуний равишда депортация қилишда айбланмоқда.
Россия Тошкентдаги мактабда болани калтаклаган ўқитувчига мамлакатга киришни тақиқламоқчи
“Россотрудничество” расмийлардан Тошкентдаги мактабда ўқувчини калтаклаган ўқитувчининг Россияга киришини тақиқлаш имкониятини кўриб чиқишни сўрайди. Бу ҳақда агентлик раҳбари Евгений Примаков хабар берди.
Изоҳ (0)