Бухородаги мактабда фоҳишахона ташкил қилган 62 ёшли қоровулга ҳукм ўқилиши, Тошкентда ноқонуний реклама баннерлари демонтаж қилиниши, Алишер Қодировнинг Ўзбекистонда номақбул жинсий алоқаларнинг тарғиботини тақиқлашга доир қонун ишлаб чиқилаётгани ҳақида маълум қилиши — “Дарё” нашри бугун, 11 ноябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Бухородаги мактабда фоҳишахона ташкил қилган 62 ёшли қоровулга ҳукм ўқилди
У ўзига аввалдан таниш бўлган аёл билан телефон орқали мулоқотда бўлиб, ўзи қоровуллик қилиб келаётган мактаб спорт залининг ечиниш хонасида у ва унинг мижози учун шароит яратиб беришни ваъда қилган.
“Терговни масъулиятни сезадиган даражага олиб чиқишимиз керак” — Олий суд раиси
Бахтиёр Исломовнинг айтишича, илгари терговга қайтарилган ишлар учун терговчилар жазога тортилган, айни кунда эса бу амалиёт йўқ.
Солиқ қўмитасига қандай масалаларда энг кўп мурожаат келиб тушаётгани маълум қилинди
Мурожаатларнинг икки мингга яқини солиқлардан озод қилиш ва имтиёзлар бериш бўйича бўлган.
Тошкентда ноқонуний реклама баннерлари демонтаж қилинди
Ноқонуний ташқи рекламаларни олиб ташлаш бўйича рейдлар ўтказилди.
Ўзбекистонда ичимлик суви учун тўловларни фақат электрон шаклда амалга оширишга ўтилади
Шу йўл билан коррупцион ҳолатларга барҳам берилади.
Ўзбекистон ва Саудия Арабистони “яшил” энергетика соҳасидаги шерикликни кенгайтиради
Шавкат Мирзиёев Саудия Арабистони энергетика вазири билан музокара ўтказди.
Ун, лимон, шакар: Тошкентдаги супермаркетларда 8 номдаги маҳсулот нархи пасайгани маълум бўлди
МҲТИ мутахассислари ноябрда Тошкентдаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиқди.
Ўзбекистонга 2024 йил якунигача Саудия Арабистони компанияларининг қарийб 2,5 млрд долларлик инвестициялари жалб этилади
Шавкат Мирзиёев Саудия Арабистони инвестициялар вазири Холид ал-Фалиҳни қабул қилди.
Деҳқонободда 27 октябрь — сайлов куни бир фуқаро бошқа фуқаро хонадонига кириб, кекса аёлга пичоқ ўқталгани айтилмоқда
Воқеа туманнинг чекка қишлоғида бўлган.
Алишер Қодиров Ўзбекистонда номақбул жинсий алоқаларнинг тарғиботини тақиқлашга доир қонун ишлаб чиқилаётганини айтди
У Дональд Трампнинг мактабларда LGBТ тарғиботини молиялаштиришни тўхтатиш ҳақидаги сўзларига изоҳ берди.
“Ўзбекистон урушда жабрланган фаластинлик болалар ва аёлларни ўз шифохоналарида беғараз даволашга тайёр” — Шавкат Мирзиёев
Президент навбатдан ташқари араб-ислом саммитида нутқ сўзлади.
Эҳтимолий АҚШ—Хитой савдо уруши: Ўзбекистон иқтисодиётига туғилиши мумкин бўлган хавфлар
Жаҳон ҳамжамияти Дональд Трампнинг Оқ уйга қайта раҳбар бўлгани – глобал сиёсий ва иқтисодий жараёнларда катта силкинишларга олиб келишидан хавотирда. Дарҳақиқат, Трамп сайловолди дастури давомида берган ваъдаларини, Аmеricа first again (Америка яна биринчи) шиори остида илгари сурилган иқтисодий дастурини ва Хитой билан эҳтимолий савдо урушини амалга оширса, бу ишлар охир-оқибат мавжуд глобал иқтисодий тартиботни издан чиқариб юбориши ҳеч гап эмас. Табиийки, бу жараёнлар Ўзбекистонни четлаб ўтмайди! Хўш, Дональд Трампнинг қайтиши жаҳон иқтисодиётида қандай ўзгаришларни келтириб чиқариши мумкин ва бу Ўзбекистон иқтисодиётига қандай таъсир кўрсатади? Қуйида шу ҳақида ўқийсиз.
Наманганда Damas ва тепловоз тўқнашди
Оғир тан жароҳати сабаб ҳайдовчи воқеа жойида вафот этган.
Шавкат Мирзиёев Саудия Арабистони валиаҳди билан учрашув ўтказди. Нималар муҳокама қилинди?
Ар-Риёдга амалий ташриф доирасидаги тадбирлар якунлангач, давлат раҳбари Бокуга жўнаб кетди.
Изоҳ (0)