АҚШ президенти Дональд Трамп қонуний мигрантларга нисбатан эътирози йўқлигини айтди.
“Мен бунга қарши эмасман. Қонуний миграцияга эътирозим йўқ. Бизга ишчи кучи керак. Мен бунга яхши муносабатдаман.
Мигрантларга эҳтиёжимиз бор. Турли божлардан қочиш учун АҚШга кўплаб компаниялар келади.
Агар сиз катта божларни тўлашни хоҳламасангиз, ўзингизнинг заводингизни АҚШда қуришингиз керак. Шунинг учун бизнинг юртга кўплаб ишчилар келади”, деди Трамп.
Аввалроқ АҚШ президенти чегарадаги барча ноқонуний ўтиш жойлари ёпилишини маълум қилганди.
У АҚШ миллионлаб жиноятчиларни ўзлари келган мамлакатларга қайтариш жараёнини бошлашини айтди. “Мексикада қолинг” дастури эса тикланади, унинг доирасида АҚШдан бошпана излаётган одамлар Мексикага кириш учун рухсат берилишини кутиши керак бўлади.
Шунингдек, Трамп “босқинчиликни тўхтатиш” учун жанубий чегарага америкалик ҳарбийларни юборишга ваъда берди. У Мексика картеллари халқаро террорчилик ташкилоти сифатида тан олинишини айтди.
Бундан ташқари, Трамп туғилганлик ҳуқуқи асосида хорижликларга фуқаролик беришни бекор қилувчи фармонни ҳам имзолади.
Фуқаролик ва иммиграция ҳуқуқларини ҳимоя қилувчи гуруҳлар коалицияси аллақачон фармон туфайли Трамп маъмурияти устидан судга мурожаат қилган.
Изоҳ (0)