2020 йилда бутун дунё бўйлаб мигрантлар сони 281 миллион кишига етди. 10 йил олдин бу каби инсонлар сони 221 миллион кишини, 2000 йилда 173 миллион кишини ташкил этган. Бу ҳақда БМТ Иқтисодий ва ижтимоий кенгаши ҳисоботига таяниб «Korrespondent.net» хабар берди.
2020 йили мигрантлар сонининг ортиши пандемия сабаб секинлашган.
Дунёдаги энг кўп мингрантлар истиқомат қиладиган давлатлар қаторидан АҚШ, Германия, Саудия Арабистони, Россия ва Буюк Британия ўрин олган.
«Россияда 12 миллион мигрант истиқомат қилади, Буюк Британияда эса 9 миллион», — дея таъкидланади ҳисоботда.
АҚШ халқаро мигрантлар учун асосий йўналиш бўлиб қолмоқда — 51 миллион мигрант (дунёдаги жами мигрантларнинг 18 фоизи).
Эслатиб ўтамиз, 2020 йилнинг апрель ойида президент Дональд Трамп АҚШга келувчи мигрантлар оқимини тўхтатиш ҳақидаги қарорни имзолаган эди. Унинг сўзларига кўра, бу мамлакат иқтисодиёти ўсишни бошлаганида жамиятнинг барча қатламларидаги ишсиз америкаликлар биринчи бўлиб бўш иш ўрнига даъвогарлик қилишини кафолатлайди.
Аввалроқ Ўзбекистонга 2020 йилнинг ўтган 11 ойи мобайнида 467 минг нафардан ортиқ меҳнат мигрантлари қайтиб келгани тўғрисида хабар берилганди.
Изоҳ (0)