АҚШнинг сайланган президенти Дональд Трампнинг рафиқаси Мелания ўз криптовалютаси — $MELANIA мемкоинини ишга туширганини эълон қилди. Бу ҳақда Тhе Hill хабар берди.
Меланиянинг расмий мемкоини аллақачон сотувда. Сиз $MELANIA’ни ҳозироқ сотиб олишингиз мумкин, деб ёзган у Х ижтимоий тармоғида.
Мемкоин ишга туширилгандан сўнг ярим соат ичида деярли 5 миллиард долларлик бозор капитализациясига эришган. Шу билан бирга, Трампнинг мемкоини эса рафиқаси ўз криптовалютасини ишга тушириши фонида деярли 60 фоизга тушган.
АҚШнинг сайланган президенти Дональд Трамп крипто саноатини ривожлантириш тарафдори. У АҚШ сайловларида ғалаба қозонганидан сўнг, биткоин курси 100 минг доллардан ошди.
17 январь куни Трамп ўзининг криптовалютасини ишга туширди. Бир кун ичида мемкоинлар савдоси ҳажми 11 миллиард доллардан ошди, ҳозирда криптовалюта капиталлашуви 10,5 миллиард доллардан ошмоқда. Битта $TRUMP мемкоини ҳозирда тахминан 50 долларга сотилади.
CoinMarketCap платформасининг маълумотларига кўра, Меланиянинг битта мемкоини эса 0,03 долларга баҳоланмоқда.
Изоҳ (0)