AQSHning saylangan prezidenti Donald Trampning rafiqasi Melaniya o‘z kriptovalyutasi — $MELANIA memkoinini ishga tushirganini e’lon qildi. Bu haqda The Hill xabar berdi.
Melaniyaning rasmiy memkoini allaqachon sotuvda. Siz $MELANIA’ni hoziroq sotib olishingiz mumkin, deb yozgan u X ijtimoiy tarmog‘ida.
Memkoin ishga tushirilgandan so‘ng yarim soat ichida deyarli 5 milliard dollarlik bozor kapitalizatsiyasiga erishgan. Shu bilan birga, Trampning memkoini esa rafiqasi o‘z kriptovalyutasini ishga tushirishi fonida deyarli 60 foizga tushgan.
AQSHning saylangan prezidenti Donald Tramp kripto sanoatini rivojlantirish tarafdori. U AQSH saylovlarida g‘alaba qozonganidan so‘ng, bitkoin kursi 100 ming dollardan oshdi.
17-yanvar kuni Tramp o‘zining kriptovalyutasini ishga tushirdi. Bir kun ichida memkoinlar savdosi hajmi 11 milliard dollardan oshdi, hozirda kriptovalyuta kapitallashuvi 10,5 milliard dollardan oshmoqda. Bitta $TRUMP memkoini hozirda taxminan 50 dollarga sotiladi.
CoinMarketCap platformasining ma’lumotlariga ko‘ra, Melaniyaning bitta memkoini esa 0,03 dollarga baholanmoqda.
Izoh (0)