Тошкент вилоятида 1,9 млрд сўмни ўзлаштирган бош ҳисобчи аниқланди, деб хабар берди Бош прокуратура ҳузуридаги Иқтисодий жиноятларга қарши курашиш департаменти.
Маълум қилинишича, фуқаро С.О. “Л.А.” ва “З.П.” МЧЖларнинг бош ҳисобчиси лавозимида ишлаб келган. У корхоналарнинг электрон рақамли имзо калитларидан фойдаланиб, жами 1,9 млрд сўмни ўзининг пластик картасига ўтказиб олган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Пулларни талон-торож қилиш ҳолатлари
Бундан аввал Навоий вилоятида ёнилғи маҳсулотлари сотувидан тушган 689,5 млн сўмни ўзлаштирган шахслар аниқланганди.
Шунингдек, Ўзбекистоннинг қатор ҳудудларида кредит пулларини ўзлаштирганлар ушлангани, Қашқадарёда кредит маблағларини ўзлаштирган банк бошқарувчиси собиқ ўринбосари аниқлангани, Фарғонада 19 нафар фуқаро номига автокредит расмийлаштириб, ажратилган маблағни ўзлаштирган шахслар аниқлангани тўғрисида хабар берилганди.
Самарқанд шаҳрида тадбиркорнинг 6,4 млрд сўм маблағини қимор ўйинларига ютқазган ҳисобчи аниқланганди.
Изоҳ (0)