Олий халқ прокуратураси Хитой Коммунистик партияси марказий қўмитасининг тарғибот бўлими мудирининг собиқ ўринбосари Чжан Сзянчунни пора олишда гумон қилиб, ҳибсга олишга ордер берганини маълум қилди.
“Олий халқ прокуратураси қонун ҳужжатларига мувофиқ Чжан Сзянчунни пора олишда гумон қилиб, ҳибсга олишга қарор қилди. Иш бўйича қўшимча тергов ҳаракатлари олиб борилмоқда”, дейилади расмий баёнотда.
Қайд этилишича, тергов Хитой Халқ Республикаси давлат назорат қўмитаси томонидан ўтказилган.
Эслатиб ўтамиз, Хитойда 100 000 юангача (тахминан 176 миллион сўм) миқдорда пора олганлик учун 10 йилгача озодликдан маҳрум этиш кўзда тутилган. Пора миқдори 100 000 юандан ошса, айбдорлар 10 йилдан то умрининг охиригача қамалиши мумкин. 3 миллион юандан (тахминан 5,3 миллиард сўм) ортиқ миқдордаги пора олганлик учун эса ўлим жазоси белгиланган.
Бундан ташқари, мазкур жиноятда айбдор деб топилган шахс ва унинг оиласининг барча унвонлари бекор қилиниб, мол-мулки мусодара этилади.
Изоҳ (0)