Жигар саломатлиги учун тўғри овқатланиш, фаол турмуш тарзини олиб бориш ва зарарли одатлардан воз кечиш жуда муҳим. Чунки ушбу без организмдан токсинларни чиқариш, ёғларни ҳазм қилиш, қонни тозалаш каби муҳим функцияларни бажаради ҳамда метаболик жараёнларда иштирок этади.
Қуйида бизга жигар фаолиятини яхши сақлаш учун рационга киритилиши керак бўлган маҳсулотлар ҳақида маълумот берамиз.
Карам
Карам танадан токсинларни чиқариб ташлаш, ортиқча вазнни йўқотиш, терининг ҳолатини яхшилаш ва сочни мустаҳкамлашга ёрдам беради. Шунингдек, у барча турдаги антиоксидантларга, витаминларга ва коллагенга бой сабзавот ҳисобланади.
Селдерей
Ушбу кўкат барча органларни тиклашда ҳақиқий ёрдамчидир. У жигар фаолиятини нормаллаштиради, семиришга йўл қўймайди ва юрак саломатлигини сақлашга ёрдам беради. Жигар билан боғлиқ касалликларнинг олдини олиш учун салатларга селдерей қўшиш, ундан турли шарбатлар тайёрлаш ёки газак сифатида истеъмол қилиш мумкин.
Зайтун ёғи
Зайтун жигарни тиклаш учун зарур бўлган тўйинмаган ёғ кислоталарини ўзида сақлайди. У жигарни оксидловчи стрессдан ҳимоя қилади ва юрак-қон томир тизимини ҳам қўллаб-қувватлайди.
Зарчава
-WqThIKkt.webp)
Ушбу сариқ тусли зиравор сафро ҳосил бўлишини фаоллаштиради ва кансероген жараёнларни секинлаштиради. Зарчавани гуруч, товуқ, мол гўштли таомлар билан ва турли шўрваларга қўшиб истеъмол қилиш мумкин.
Кефир (Қатиқ)
Кефир организмдаги моддалар алмашинувини тезлаштиради ва сафро ишлаб чиқарилишини рағбатлантиради. Нонушта, тушлик ёки кечки овқат пайтида бир стакан кефир ичиш жигар, буйраклар, суяклар ҳамда асаб тизими саломатлиги учун фойдалидир.
Резаворлар
Қорағат, малина, клюква каби резавор мевалар организмни токсинлардан тозалашга хизмат қиладиган кўплаб антиоксидантларни ўз ичига олади. Уларни янги узилган ҳолда ўзини ёки салатларга қўшиб истеъмол қилиш мумкин.
Сачратқи (Сикорий)
Жигарда холестерин ва триглицеридлар миқдорини камайтиришга ёрдам беради. Триглицеридлар — бу қонда учрайдиган асосий ёғ турлардан бири бўлиб, организмнинг энергия манбаи сифатида ишлайди. Агар триглицеридлар даражаси юқори бўлса, бу юрак касалликлари ва бошқа соғлиқ муаммоларининг хавфини оширади.
Бундан ташқари, сачратқи ўсимлиги метаболизмини яхшилайди. Ундан зиравор сифатида фойдаланиш, салат ёки гўштли таомларга қўшиш мумкин.
Изоҳ (0)