Jigar salomatligi uchun to‘g‘ri ovqatlanish, faol turmush tarzini olib borish va zararli odatlardan voz kechish juda muhim. Chunki ushbu bez organizmdan toksinlarni chiqarish, yog‘larni hazm qilish, qonni tozalash kabi muhim funksiyalarni bajaradi hamda metabolik jarayonlarda ishtirok etadi.
Quyida bizga jigar faoliyatini yaxshi saqlash uchun ratsionga kiritilishi kerak bo‘lgan mahsulotlar haqida ma’lumot beramiz.
Karam
Karam tanadan toksinlarni chiqarib tashlash, ortiqcha vaznni yo‘qotish, terining holatini yaxshilash va sochni mustahkamlashga yordam beradi. Shuningdek, u barcha turdagi antioksidantlarga, vitaminlarga va kollagenga boy sabzavot hisoblanadi.
Selderey
Ushbu ko‘kat barcha organlarni tiklashda haqiqiy yordamchidir. U jigar faoliyatini normallashtiradi, semirishga yo‘l qo‘ymaydi va yurak salomatligini saqlashga yordam beradi. Jigar bilan bog‘liq kasalliklarning oldini olish uchun salatlarga selderey qo‘shish, undan turli sharbatlar tayyorlash yoki gazak sifatida iste’mol qilish mumkin.
Zaytun yog‘i
Zaytun jigarni tiklash uchun zarur bo‘lgan to‘yinmagan yog‘ kislotalarini o‘zida saqlaydi. U jigarni oksidlovchi stressdan himoya qiladi va yurak-qon tomir tizimini ham qo‘llab-quvvatlaydi.
Zarchava
-WqThIKkt.webp)
Ushbu sariq tusli ziravor safro hosil bo‘lishini faollashtiradi va kanserogen jarayonlarni sekinlashtiradi. Zarchavani guruch, tovuq, mol go‘shtli taomlar bilan va turli sho‘rvalarga qo‘shib iste’mol qilish mumkin.
Kefir (Qatiq)
Kefir organizmdagi moddalar almashinuvini tezlashtiradi va safro ishlab chiqarilishini rag‘batlantiradi. Nonushta, tushlik yoki kechki ovqat paytida bir stakan kefir ichish jigar, buyraklar, suyaklar hamda asab tizimi salomatligi uchun foydalidir.
Rezavorlar
Qorag‘at, malina, klyukva kabi rezavor mevalar organizmni toksinlardan tozalashga xizmat qiladigan ko‘plab antioksidantlarni o‘z ichiga oladi. Ularni yangi uzilgan holda o‘zini yoki salatlarga qo‘shib iste’mol qilish mumkin.
Sachratqi (Sikoriy)
Jigarda xolesterin va triglitseridlar miqdorini kamaytirishga yordam beradi. Triglitseridlar — bu qonda uchraydigan asosiy yog‘ turlardan biri bo‘lib, organizmning energiya manbai sifatida ishlaydi. Agar triglitseridlar darajasi yuqori bo‘lsa, bu yurak kasalliklari va boshqa sog‘liq muammolarining xavfini oshiradi.
Bundan tashqari, sachratqi o‘simligi metabolizmini yaxshilaydi. Undan ziravor sifatida foydalanish, salat yoki go‘shtli taomlarga qo‘shish mumkin.
Izoh (0)