Ер талон-торожи билан боғлиқ навбатдаги жиноят фош этилди, деб хабар бермоқда Бош прокуратура матбуот хизмати.
Маълум қилинишича, фуқаро З.Х.нинг Бухоро вилояти ИИББ ЖҚБга қилган мурожаатига асосан, тезкор тадбир ўтказилди.
А.Р. Бухоро тумани “Кўчкўмар” маҳалласи ҳудудида жойлашган МЧЖга ижара ҳуқуқи асосида ажратилган 278 гектар сув ҳавзаларидан иборат объектнинг 4 гектар қисмини 280 минг долларга сотишга келишган. У, шунингдек, келгусида мансабдор танишлари орқали алоҳида мулк сифатида ҳужжат расмийлаштириб беришни ваъда қилган.
Ўтказилган тезкор тадбирда фуқаро А.Р. келишилган пулдан 20 минг долларни олаётган вақтида қўлга олинган.
Мазкур ҳолат юзасидан Жиноят кодексининг 168-моддаси 4-қисми “а” банди (фирибгарлик жуда кўп миқдорда) ва бошқа моддалари билан жиноят иши қўзғатилган.
Дастлабки тергов ҳаракатлари ўтказилмоқда.
Ер сотиш ҳолатлари
Аввалроқ Тошкентда Давлат кадастрлар палатаси туман филиали бошлиғи 25 минг доллар олаётганида ушланганди. Шунингдек, Навоий, Наманган ва Андижон вилоятларида ноқонуний йўллар билан ер майдонлари олиб беришни ваъда қилган шахслар қўлга олинган.
Изоҳ (0)