Сирдарё вилояти ҳокими Акмалжон Маҳмудалиев вилоятдаги энг асосий муаммолар нималардан иборат эканига ойдинлик киритди. Бу ҳақда хабар берган “Дарё” мухбирига кўра, вилоят раҳбари журналист ва блогерларнинг саволига жавоб бериш давомида бу ҳақда маълумот берган.
Сирдарёликлар, айниқса, гулистонликларнинг ҳаммаси биладики, бизда эски бозор бор. Маблағ масаласида, қолаверса, объектив, субъектив сабабларга кўра, қолиб кетмоқда. Лекин барибир биз шу жойни тартибга солишимиз шарт. Халқимиз ўрганган жой. Шу сабаб муҳтарам президентимизга бу масалада таклиф киритганимда маблағ масаласида ҳам кўмак бериладиган бўлганди. Бу жойларни (бозорни) тартибга келтирмасак, Гулистон Гулистон бўлолмайди-да. Энг асосийси, ишлар бошланди. Буни уддалаймиз, — деди вилоят ҳокими.
.jpg)
Акмалжон Маҳмудалиевнинг билдиришича, вилоятнинг асосий муаммолари ичимлик суви, йўл инфратузилмаси ва электр токи ҳисобланади.
Тўғри, кўплаб муаммоларга ечим топдик. Лекин айни кунда ҳам халқимизни қийнаётган муаммолар сифатида шуларни тилга оламиз. Масалан, йўл муаммоси ҳақида гапирсак, йўлларимизда 90-100 тонна оғирликка эга юк автомобиллари юрибди. Энг кўп кўприклар ҳам Сирдарё вилоятида жойлашган. Бу кўприкларнинг ҳам муддати бор, албатта. Имкон қадар тартибга олишга уриняпмиз, аммо ўта оғир юк ташувчи автомобиллар ярим кечаси бўлса-да, бу йўллардан ўтмоқда. Бу кўприкларнинг аксарияти 70–80 йилларда қурилган бўлиб, бундай оғир юк ташувчи автомобилларга мослаштирилмаганди. Ўша пайтда энг катта юк автомобили 8 тоннагача юк олгандир. Ҳозир эса оғир юк автомобиллари кўприкларимизнинг яроқсиз ҳолга келишига сабаб бўлмоқда, — дейди ҳоким.
Сирдарё ҳокимининг қўшимча қилишича, сўнгги етти йилда Ўзбекистонда мисли кўрилмаган ўзгаришлар амалга оширилган.
Изоҳ (0)