Халқ депутатлари Сардоба тумани Кенгашининг навбатдан ташқари сессияси ўтказилди. Бу ҳақда Сирдарё вилояти ҳокимлиги матбуот хизмати хабар берди.
Қайд этилишича, вилоят ҳокими Акмалжон Маҳмудалиев қатнашган сессия ишида ташкилий масала кўрилган.
Айни кунга қадар Давлат активларини бошқариш агентлигининг Сирдарё вилояти ҳудудий бошқармаси бошлиғи лавозимида ишлаб келган Зиёдулла Каримов туман ҳокими этиб тасдиқланди.
Зиёдулла Каримов 1979 йилда Сайхунобод туманида туғилган.2001 йилда Ўзбекистон миллий университети, 2007 йилда Тошкент молия институти ва 2010 йилда Ўзбекистон Президенти ҳузуридаги Давлат бошқаруви академиясини тамомлаган.
Май бошларида Сардоба тумани ҳокими лавозимида ишлаб келган Акмал Мирзаев Сирдарё вилояти ҳокимининг қишлоқ ва сув хўжалиги масалалари бўйича ўринбосари этиб тайинланган эди. 2022 йил октябридан буён Сирдарё вилояти Сардоба туманига раҳбарлик қилиб келаётганди.
Изоҳ (0)