Ўзбекистонга 2023 йилнинг январь—июль ойларида жами 3,7 миллион нафар чет эл фуқаролари туристик мақсадларда ташриф буюрди. Бу ҳақда Статистика агентлиги хабар берди.
Қайд этилишича, Ўзбекистонга 7 ойда энг кўп Тожикистон фуқаролари туристик мақсадда ташриф буюрган — 1 миллион 151,4 минг нафар. Ундан кейинги ўринда Қирғизистон (912,8 минг) ва Қозоғистон (879 минг) турибди.
Шунингдек, қуйидаги давлатлардан ҳам мамлакатга хориж фуқаролари туристик мақсадда келган:
- Россия — 417,4 минг нафар;
- Туркия — 58 минг нафар;
- Туркманистон — 39,6 минг нафар;
- Жанубий Корея — 20,2 минг нафар;
- Ҳиндистон — 20 минг нафар;
- Хитой — 17,7 минг нафар;
- Германия — 14,1 минг нафар.
Сайёҳлар сони ва хизматлар экспорти
Ҳисоб-китобларга кўра, 2019 йилда республикага кириб келган сайёҳлар сони 2016 йилга нисбатан 3,3 бараварга ошган. Ўша йили қарийб 6,7 миллион нафар турист Ўзбекистонда саёҳат қилган. Бунинг натижасида 1,6 миллиард долларлик туристик хизматлар экспорти амалга оширилган. Мазкур кўрсаткич 2016 йилда 430,7 миллион долларга тенг бўлган.
2020 йилда мамлакатга 7 миллион нафардан ортиқ хорижий сайёҳ ташрифи кутилганди. Бироқ оғир пандемия шароитида барча соҳалар қатори туризм ҳам қаттиқ зарбага учради, сайёҳлар сони сезиларли даражага камайди. Яъни 2020 йилда республикага 1,5 миллион нафар сайёҳ келган, 261 миллион долларлик туризм хизматлари экспорт қилинган.
Изоҳ (0)