Ўзбекистонликлар олти ойда туристик мақсадларда қайси давлатларга кўпроқ чиққани маълум қилинди.
Статистика агентлиги маълумотларига кўра, 2024 йилнинг январь—июнь ойларида 2,7 млн нафар ўзбекистонликлар туристик мақсадларда чет элга борган. Бу кўрсаткич ўтган йилнинг мос даври билан солиштирилганда 701,9 минг нафарга ёки 34,6 фоизга ошган.
Жорий йилнинг 6 ойида Ўзбекистон фуқароларининг туристик мақсадларда энг кўп ташриф буюрган мамлакатлари:
- Қирғизистон — 1 миллион 251,5 минг нафар;
- Тожикистон — 560,6 минг нафар;
- Қозоғистон — 420 минг нафар;
- Россия — 122 минг нафар;
- Саудия Арабистони — 104,6 минг нафар;
- Туркия — 91,8 минг нафар;
- БАА — 62,6 минг нафар;
- Миср — 17,6 минг нафар;
- Қувайт — 16,7 минг нафар;
- Жанубий Корея — 10 минг нафар;
- бошқа давлатлар — 73,1 минг нафар.
Ўзбекистонга 2024 йилнинг январь—июнь ойларида 3,5 миллиондан ортиқ чет эл фуқаролари туристик мақсадда ташриф буюрди. Ушбу кўрсаткич ўтган йилнинг мос даври билан солиштирилганда 415,6 минг нафарга ёки 13,3 фоизга ошган.
Ўтган олти ойда Ўзбекистонга туристик мақсадларда келган чет эл фуқароларининг мамлакатлар кесимида сони қуйидагича:
- Қирғизистон — 1 миллион 57,4 минг нафар;
- Тожикистон — 1 миллион 46,2 минг нафар;
- Қозоғистон — 668,4 минг нафар;
- Россия — 364,5 минг нафар;
- Туркманистон — 67,2 минг нафар;
- Туркия — 51,9 минг нафар;
- Хитой — 28,7 минг нафар;
- Ҳиндистон — 28,2 минг нафар;
- Жанубий Корея — 19,6 минг нафар;
- Италия — 17,7 минг нафар;
- бошқа давлатлар — 181 минг нафар.
Аввалроқ Ўзбекистонга 2024 йилда мингдан ортиқ британиялик турист юборилиши режалаштирилаётгани тўғрисида хабар берилганди. Ўтган йилнинг саккиз ойи давомида мамлакатга хориждан 4,3 миллион турист келди, улардан 1,4 миллиард доллар тушум бўлган.
Изоҳ (0)