Статистика агентлиги 2023 йилнинг 6 ойида Ўзбекистон фуқароларининг хорижга сафар мақсадлари ҳақида маълумот берди.
Унга кўра, 2023 йилнинг январь—июнь ойларида 2 миллиондан ортиқ Ўзбекистон фуқаролари туристик мақсадларда хорижга сафар қилган.
2023 йилнинг 6 ойида Ўзбекистон фуқароларининг хорижга сафар мақсадлари:
- қариндошларни йўқлаш — 1,7 миллион киши;
- дам олиш — 248,3 минг киши;
- ўқиш мақсадида — 19,5 минг киши;
- даволаниш — 15,3 минг киши;
- хизмат юзасидан — 6,8 минг киши.
Агентлик маълумотларига кўра, январь—май ойларида Ўзбекистонга 2,6 миллион нафар сайёҳ келган, уларнинг энг кўпи Марказий Осиё давлатлари ва Россиядан.
Сайёҳлар сони ва хизматлар экспорти
Ҳисоб-китобларга кўра, 2019 йилда республикага кириб келган сайёҳлар сони 2016 йилга нисбатан 3,3 бараварга ошган. Ўша йили қарийб 6,7 миллион нафар турист Ўзбекистонда саёҳат қилган. Бунинг натижасида 1,6 миллиард долларлик туристик хизматлар экспорти амалга оширилган. Мазкур кўрсаткич 2016 йилда 430,7 миллион долларга тенг бўлган.
2020 йилда мамлакатга 7 миллион нафардан ортиқ хорижий сайёҳ ташрифи кутилганди. Бироқ оғир пандемия шароитида барча соҳалар қатори туризм ҳам қаттиқ зарбага учради, сайёҳлар сони сезиларли даражага камайди. Яъни 2020 йилда республикага 1,5 миллион нафар сайёҳ келган, 261 миллион долларлик туризм хизматлари экспорт қилинган.
Изоҳ (0)