Ўзбекистон туризм тарғиботини хорижда ташкил қилиш мақсадида Netflix ва Amadeus онлайн-стриминг платформалари билан ҳамкорлик масаласида келишувга эришди. Бу ҳақда маданият ва туризм вазири Озодбек Назарбеков “Ўзбекистон маданий мероси – Янги Ренессанс асоси” мавзусидаги халқаро анжуманда маълум қилди.
Қайд этилишича, 2023 йилнинг январь—июнь ойларида маданият муассасалари тармоғини янада кенгайтириш, уларнинг моддий-техник базаси мустаҳкамлаш, шунингдек, аҳолига сифатли маданий ва кўнгилочар хизматлар кўрсатиш мақсадида қиймати 144,2 миллиард сўм бўлган 33 та давлат-хусусий шериклик битимлари имзоланган.
Шунингдек, туризм тарғиботини хорижда ташкил қилиш йўналишида Буюк Британиянинг BBC, АҚШнинг CNN, Европанинг Euronews жаҳон телекомпаниялари, АҚШнинг йирик Netflix ва Amadeus онлайн-стриминг платформалари, Хитойнинг “Тrip.cоm” онлайн-саёҳат платформаси, Бирлашган Араб Амирликларининг Holiday фаcторй сайёҳлик компанияси, Visa Fasilitation Serviceс Global компанияси маъмурияти билан туризм салоҳиятини тарғиб қилиш юзасидан келишувга эришилган.
2023 йилда мамлакатга 10 миллион нафар хорижий сайёҳ жалб қилиниб, 20 миллион нафар маҳаллий аҳолининг саёҳатлари ташкил этилади. Бунинг натижасида 2 миллиард доллар миқдорида туризм хизматлари экспорти амалга оширилади.
“Йил якунига қадар зиёрат туризми йўналишида Туркия, Индонезия, Малайзия, Покистон, Бангладеш, Япония, Исроил, Ҳиндистон ҳамда МДҲ давлатларидан 1,2 миллион нафар зиёратчилар жалб қилинади”, — дейилади хабарда.
Сайёҳлар сони ва хизматлар экспорти
- Ҳисоб-китобларга кўра, 2019 йилда республикага кириб келган сайёҳлар сони 2016 йилга нисбатан 3,3 бараварга ошган.
- Ўша йили қарийб 6,7 миллион нафар турист Ўзбекистонда саёҳат қилган.
- Бунинг натижасида 1,6 миллиард долларлик туристик хизматлар экспорти амалга оширилган.
- Мазкур кўрсаткич 2016 йилда 430,7 миллион долларга тенг бўлган.
Изоҳ (0)