АҚШдан беш ойда Ўзбекистонга 10,6 минг нафар турист келгани маълум қилинди.
Статистика агентлиги маълумотларига кўра, 2024 йилнинг январь май ойлари давомида АҚШдан Ўзбекистонга 10,6 минг нафар турист ташриф буюрган. 5 ойда АҚШдан Ўзбекистонга келган туристларнинг асосий сафар мақсадлари:
- дам олиш – 8446 нафар
- хизмат юзасидан – 1089 нафар
- қариндошларни йўқлаш – 832 нафар
- тижорат – 167 нафар
- бошқа мақсадлар – 136 нафар.
Ўзбекистонга 2024 йилнинг январь май ойларида 2,8 миллиондан ортиқ чет эл фуқаролари туристик мақсадда ташриф буюрган. Бу кўрсаткич ўтган йилнинг мос даври билан солиштирилганда 248,2 минг нафарга ёки 9,6 фоизга ошган. 2024 йилнинг 5 ойида Ўзбекистонга туристик мақсадларда келган чет эл фуқароларининг мамлакатлар кесимида сони қуйидагича:
- Тожикистон – 871,5 минг нафар;
- Қирғизистон – 857 минг нафар;
- Қозоғистон – 498,2 минг нафар;
- Россия – 289,6 минг нафар;
- Туркманистон – 53,8 минг нафар;
- Туркия – 42,1 минг нафар;
- Ҳиндистон – 23,2 минг нафар;
- Хитой – 22,8 минг нафар;
- Италия – 15,3 минг нафар;
- Жанубий Корея – 15,1 минг нафар;
- Бошқа давлатлар – 148,7 минг нафар.
Аввалроқ Ўзбекистонга 2024 йилда мингдан ортиқ британиялик турист юборилиши режалаштирилаётгани тўғрисида хабар берилганди. Ўтган йилнинг саккиз ойи давомида мамлакатга хориждан 4,3 миллион турист келди, улардан 1,4 миллиард доллар тушум бўлган.
Изоҳ (0)