Тошкент шаҳри ҳавонинг ифлослиги бўйича дунёда яна пешқадамлар рўйхатида. IQ Air ташкилотининг маълумотларига кўра, айни пайтда Тошкент рўйхатда 4-ўринда бормоқда. Ундан олдинги ўринларни Деҳли, Лаҳур, Калкутта ва Гуанчжоу шаҳарлари эгаллаган.
IQAir порталига кўра, соат 21:00 атрофида Тошкент ҳавосида майда PM2,5 дисперс зарраларининг концентрацияси 139 мкг/м3 ни ташкил этган – бу ЖССТ томонидан тавсия этилган ўртача ҳаво сифати кўрсаткичидан деярли 28 баробарга кўп. Ҳозирда пойтахт ҳавоси сифати “зарарли” таснифда турибди.
Жаҳон соғлиқни сақлаш ташкилотига кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан PM2,5 дисперс зарраларидир.
Тошкент ҳавоси йил давомида жуда кўп бор ҳавоси энг ифлос шаҳарлар рўйхатида юқори ўринларни эгаллаган.
Аввалроқ “Атмосфера ҳавосини ифлослантирувчи манбаларни хатловдан ўтказиш ҳамда унга ташланаётган ифлослантирувчи моддалар миқдорини белгилаш тўғрисидаги йўриқнома” Адлия вазирлигида давлат рўйхатидан ўтказилганди.
Мазкур йўриқнома атмосфера ҳавосини ифлослантирувчи манбаларни хатловдан ўтказиш ҳамда унга ташланаётган ифлослантирувчи моддалар миқдорини белгилаш тартибини белгилайди.
Изоҳ (0)