Тошкент ҳавонинг ифлосланиш даражаси бўйича 22 февралда дунёнинг йирик шаҳарлари орасида 3-ўринни эгаллади.
IQAir порталига кўра, соат 10:00 атрофида Тошкент ҳавосида майда ПМ2,5 дисперс зарраларининг концентрацияси 108 мкг/м3 ни ташкил этган – бу “зарарли” таснифдаги кўрсаткич ҳисобланади.
Рейтингда 1-ўринни Ҳиндистоннинг Деҳли шаҳри эгаллаган — ПМ2,5 дисперс зарраларининг концентрацияси 130,5 мкг/м3. Покистоннинг Лаҳор шаҳри 2-поғонада — 112,5 мкг/м3. Рейтингдаги ўнталикдан, шунингдек, Карачи (Покистон), Дакка (Бангладеш), Бағдод (Ироқ), Доҳа (Қатар), Янгон (Мьянма), Мумбай (Ҳиндистон), Милан (Италия) эгаллаган.
Жаҳон соғлиқни сақлаш ташкилотига кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан ПМ2,5 дисперс зарраларидир.
Кеча, 21 февраль куни Тошкент ҳавосининг ифлослиги бўйича дунёда 1-ўринга чиққанди.
Изоҳ (0)