Тошкент ҳавосининг ифлослиги бўйича дунёда 1-ўринга чиқди

Тошкент ҳавонинг ифлосланиш даражаси бўйича 21 февралда дунёнинг йирик шаҳарлари орасида 1-ўринга чиқди.

IQAir порталига кўра, соат 08:30 атрофида Тошкент ҳавосида майда ПМ2,5 дисперс зарраларининг концентрацияси 196 мкг/м3 ни ташкил этган – бу “зарарли” таснифдаги кўрсаткич ҳисобланади.

Рейтингда 2-ўринни Покистоннинг Лаҳор шаҳри эгаллаган — ПМ2,5 дисперс зарраларининг концентрацияси 175 мкг/м3. Ҳиндистоннинг Деҳли шаҳри 3-поғонада — 165 мкг/м3. Рейтингдаги ўнталикдан, шунингдек, Дакка (Бангладеш), Янгон (Мьянма), Катманду (Непал), Ханой (Вьетнам), Жакарта (Индонезия), Милан (Италия), Калкутта (Ҳиндистон) эгаллаган.  

Жаҳон соғлиқни сақлаш ташкилотига кўра, ҳаво ифлосланиши кўрсаткичлари орасида саломатлик учун энг катта хавф туғдирадигани айнан ПМ2,5 дисперс зарраларидир.

Эслатиб ўтамиз, 22 декабрь куни соат 09:00 ҳолатига кўра, Тошкент ҳавоси дунёнинг йирик шаҳарлари орасида ифлосланиш рейтингида 4-ўринни эгаллаганди. Санэпидқўмита чангли ҳавода қилиш керак бўлган қатор тавсиялар берган.