Бугун 3 январь куни соат 08:00 ҳолатига кўра Тошкент ҳавосидаги ПМ2,5 дисперсли заррачалар миқдори (0,001 дан 2,5 микрометргача) 67,5 мкг/м3 ни ташкил этгани, бу эса Жаҳон соғлиқни сақлаш ташкилоти тавсияларидан 18,7 баробар кўплиги ҳақида хабар берилган эди.
Соат 12:25 ҳолатига кўра Тошкент ҳавосидаги ПМ2.5 миқдори 189 га чиққан. Яъни Жаҳон соғлиқни сақлаш ташкилоти томонидан ҳаво сифати бўйича тавсия этилган нормал меъёрдан 25 баробар юқори бўлган.
IQAir портали ҳисоботига кўра, шу пайтда Тошкент дунёнинг ҳавоси энг ифлосланган шаҳарлар бешлигига кирди.
Тошкент шаҳри шу пайтгача ҳавоси энг ифлос дея баҳоланган Лаҳор ва Мумбайни ҳам ортда қолдирди
Бундай ҳавода шаҳар аҳолисига кўчада ниқоб тақиб юриш, деразаларни очмаслик, уй ичини намлантирувчи воситалар билан тозалаш тавсия этилди.
22 декабрь куни ҳам Тошкент ҳавонинг ифлосланиш даражаси бўйича дунёнинг йирик шаҳарлари орасида 4-ўринни эгаллаганди. Ўтган йилнинг 23 январь куни эса Тошкент энг ёмон ҳаво бўйича IQAir рейтингида дунёда учинчи ўринга чиққанди.
Изоҳ (0)