Исроил расмийларининг таъкидлашича, Фаластиннинг ҲАМАС ҳаракати билан Ғазо секторида ўт очишни тўхтатиш бўйича музокаралар давом этмоқда. Бу ҳақда The Jerusalem Post хабар берди.
Шу билан бирга, нашр суҳбатдошлари анклавда гаровда сақланаётган омон қолган исроилликлар рўйхати бўлмаса, келишувга эришиш мумкин эмаслигини айтган.
Газетанинг хабар беришича, воситачилар ҲАМАСга бу борада босим ўтказмоқда, бироқ ҳаракатнинг ўлдирилган етакчиси Яҳё Синваранинг укаси Муҳаммад Синвар ушбу рўйхатни тақдим этишдан бош тортмоқда.
Жорий йилнинг 21 декабрь куни Фаластин томонининг музокаралар иштирокчиси гаровга олинганлар масаласи бўйича келишув ва ўт очишни тўхтатиш бўйича музокаралар 90 фоизга якунланганини маълум қилган эди. Аввалроқ Ливаннинг Ал Майадин телеканали ҲАМАС келишув бўйича биринчи босқичда 34 нафар гаровга олинганларни озод қилиши мумкинлигини билдирган.
Исроил эса бу даврда барча гаровга олинганлар озод этилиши кераклигини талаб қилмоқда — Ғазода 101 нафар исроиллик гаровга олинган, улардан 40 га яқини ҳалок бўлган деб тахмин қилинмоқда.
Тҳе Натионал нашрининг аниқлик киритишича, Исроил биринчи босқичда ўз қамоқхоналарида узоқ вақтдан буён қамоқ муддатини ўтаётган 200 нафар фаластинликдан 70 нафарини озод қилишдан бош тортмоқда. ҲАМАС эса минг нафар маҳбусни озод қилишга эришмоқчи эди. Бунинг эвазига ҳаракат расмийлари 60 кунлик сулҳ давомида ҳар 48 соатда биттадан, жами 20-30 нафар гаровга олинганларни озод этишни ваъда қилмоқда.
Изоҳ (0)