29 февраль куни Исроил ва Ғазо сектори ўртасидаги Керем Шалом чегара пунктида Исроил байроқларини тутган намойишчилар ёрдам юкларини тўсиб қўйди. Бу ҳақда CNN хабар берди.
Хабарда айтилишича, исроилликлар тўсиб қўйган йўлни кесиб ўта олмаган юк машиналари ортга қайтган. Шимолий Ғазога жўнатилиши керак бўлган юклар манзилга етиб бормаган.
Юк машиналарига қаршилик қилган намойишчилар ҲАМАС томонидан асир олинганларни озодликка чиқаришни талаб қилишган. Ушбу кўринишдаги ҳаракатлар бутун Исроил бўйлаб давом этаётгани хабар қилинган.
БМТ маълумотларига кўра, ҳозирда Ғазога гуманитар ёрдам ҳажми икки баробар камайган. Ярим миллиондан ортиқ аҳоли очарчилик шароитида яшамоқда.
Исроиллик намойишчилар асирлар қайтарилмагунча, Ғазога ҳеч қандай ёрдам ўтказилмаслигидан огоҳлантирган Исроил ҳукумати фуқароларининг ҳаракатларига нисбатан муносабат билдирмаган.
Изоҳ (0)