Исроил ҲАМАСга ультиматум қўйиб, бир ҳафта ичида Ғазо секторида ўт очишни тўхтатиш бўйича келишувга эришиш ва гаровга олинганларни озод қилишни талаб қилди. Бу ҳақда тегишли манбаларга таяниб, The Wall Street Journal хабар берди.
Хабар 2 май куни ҲАМАС вакилларига етказилган.
Маълум бўлишича, агар ҲАМАС келишувдан бош торца, Исроил Ғазо секторининг жанубий қисмидаги Рафаҳ шаҳрига аввалроқ эълон қилинган ҳужумни бошлаш билан таҳдид қилган.
Қоҳирада сулҳ бўйича 40 кунлик музокаралар давом этмоқда, унга кўра, ҲАМАС ҳарбийлари 7 октябрда Исроилга қилинган ҳужумдан кейин гаровда қолган 30-40 нафар исроилликни озод қилишлари керак.
ҲАМАС томони келишувга “ижобий” жавоб беришга тўлиқ тайёр, бироқ гуруҳнинг ҳарбий қаноти раҳбари Яҳё Синварнинг якуний қарорини кутмоқда. У Ғазо остидаги ерости туннелларида яширинган деб ишонилади ва ундан Исроил таклифларига ҳеч қандай жавоб бўлмаган, — дейди нашр.
Аввалроқ ҲАМАС вакиллари 40 нафар исроиллик гаровга олинганларни озод қилиш ғоясини рад этиб, олти ҳафталик ўт очишни тўхтатиш даврида икки баравар кўп одамни озод қилишни таклиф қилган эди.
Вашингтон расмийлари омон қолган асирлар сони жамоатчилик тахмин қилганидан анча кам бўлиши мумкинлигини таъкидлаган. Айни пайтда, Исроил расмийларига кўра, 130 нафардан ортиқ одам ҲАМАС қўлида, аммо уларнинг тақдири номаълум.
Бундан бир неча кун олдин Исроил бош вазири Биньямин Нетаньяху яна бир бор Исроил мудофаа кучларининг Ғазодаги ҳужумини давом эттириш нияти ва келишувга эришилишидан қатъи назар, Рафаҳда қуруқликдаги операцияни бошлашга тайёрлигини эълон қилган.
Урушни барча мақсадларга эришгунга қадар тўхтатамиз, деган фикрнинг ўзи ҳам муҳокама қилинмаган, — деган эди Нетаньяху.
Изоҳ (0)