Исроил қуролли кучлари ҲАМАС жангчилари фойдаланаётган узун ер ости туннелларини сув билан тўлдирмоқчи. Шундан сўнг Исроил армияси Ғазо секторида қуруқликдаги операцияни бошлаши мумкин бўлади. Бу ҳақда америкалик журналист Сеймур Херш хабар берди.
Журналистнинг сўзларига кўра, бу Исроил хавф остида бўлган асирларни озод қилишни ҳисобидан чиқаришини ангалатади. Сиёсий тадқиқотлар институти директори Сергей Марков немис нашрларига таяниб, Ғазо секторида умумий узунлиги 500 километрдан ортиқ туннеллар қазилганини маълум қилди.
“Бу баландлиги ва кенглиги 2 метр бўлган туннеллардир. Аммо бундан каттароқлари ҳам бор. Ҳаммаси бўлиб мингдан ортиқ шундай туннеллар мавжуд, уларни 1300 та деб аташади. Туннелларда ҲАМАС жангарилари барча керакли нарсалар, жумладан, сув, озиқ-овқат, генераторлар, қурол омборларини сақлайди.
Айнан туннеллар ва кўп қаватли уйлардаги ҲАМАС жангариларидан қўрқув туфайли Исроил армияси қуруқликдаги операцияни бошлашдан чўчимоқда. Исроил шунчаки бу урушда мағлуб бўлишдан қўрқади”, — дейди Марков.
ОАВга кўра, ҲАМАС жангчилари 220 дан ортиқ исроилликни асирда сақламоқда. Бугунги кунда асирлар айнан шу туннелларда сақланаётгани, сув тошқини бўлса, одамлар ўлиши айтилган.
Ҳарбий экспертларнинг фикрича, “Исроил аскарлари учун даҳшатли туш” бўлиши мумкин бўлган мазкур туннеллар вазиятни ёмонлаштирмоқда, чунки ташқаридан ҳаракат қилиш қийинчилик туғдиради.
Изоҳ (0)