Қоҳирада Ғазо секторида вақтинчалик ўт очишни тўхтатиш ва ҲАМАС томонидан гаровга олинганларни озод қилиш бўйича музокаралар муваффақиятсиз якунлангани сабабли яна уч кунга узайтирилди, деб ёзади Миср расмий нашрига таяниб, Тhе New York Times.
NYT суҳбатдошларидан бирининг айтишича, томонлар ўртасидаги музокараларда асосий масала исроиллик асирлар эвазига озод қилинадиган фаластинликлар сони билан боғлиқ. Учрашувнинг биринчи кунида Марказий разведка бошқармаси директори Уильям Бернс ва Исроил разведка хизмати раҳбари Дэвид Барнеа музокараларда воситачи сифатида иштирок этаётган Миср ва Қатарнинг юқори мартабали амалдорлари билан учрашди.
Исроил Бош вазири Биньямин Нетаньяху бир гаров эвазига учта фаластинлик маҳбусни озод қилишга тайёрлигини эълон қилди - худди шу схема 2023 йил ноябридаги келишув пайтида ҳам амал қилган. Axios нашрнинг ёзишича, АҚШ президенти Жо Байден телефон суҳбатида Исроил бош вазирини мазкур келишувга эришиш учун мослашувчанликни намоён этишга ва кўпроқ маҳбусларни озод қилишга чақирган.
Февраль ойи бошида Парижда Исроил, Миср, Қатар ва Қўшма Штатлар вакиллари бир неча босқичларни ўз ичига олган, фаластинлик ҳамда исроиллик гаровга олинганларни ўзаро алмашиш ва урушни тугатиш мажбуриятларисиз узоқ муддатли сулҳ бўйича келишиб олди. Битимнинг якуний лойиҳаси Қоҳирадаги учрашувда шакллантирилиши режалаштирилган эди.
Изоҳ (0)