Исроил мудофаа кучлари Ғазо секторида жанговар ҳаракатлар қайта бошланганини маълум қилди, деб хабар бермоқда BBC.
Исроиллик ҳарбийлар ҲАМАСни жангларда оператив пауза шартларини бузганликда ва Исроил ҳудудини ўққа тутганликда айблади.
“Исроил армияси Ғазо секторида ҲАМАС террор ташкилотига қарши жанговар операцияларни қайта бошлади”, — дейилади ҳарбий баёнотда.
Эслатиб ўтамиз, Исроил ва ҲАМАС ўртасидаги сулҳ 24 ноябрдан бери давом этаётганди. Дастлаб сулҳ тўрт кунга келишилган, аммо кейинроқ узайтирилган.
Оташкесим томонларга ҲАМАС гаровга олган асирлар ва Исроил қамоқхоналарида сақланаётган фаластинликларни алмашишни бошлаш имконини берди. Умуман олганда, сулҳ бошланганидан бери ҲАМАС 90 га яқин асирни, Исроил эса 180 дан ортиқ маҳбусни озод этди.
Изоҳ (0)